ആലപ്പുഴയിലെ സായി സെന്ററില്‍ വിദ്യാര്‍ത്ഥിനി ആത്മഹത്യ ചെയ്തതിനു പിന്നില്‍ നടന്നത് റാഗിംഗ് ആണെന്ന് സായി ഡയറക്ടര് ജനറലിന്റെ റിപ്പോര്‍ട്ട്. കേന്ദ്ര കായികമന്ത്രിക്ക് നല്കിയ റിപ്പോര്‍ട്ടിലാണ് ഇക്കാര്യം വ്യക്തമാക്കിയിട്ടുള്ളത്.
അതേസമയം, സംഭവത്തില്‍ ആഭ്യന്തര അന്വേഷണത്തിന് ഉത്തരവിട്ടതായും സായി ഡയറക്ടര് ജനറല്‍ ഇഞ്ചട്ടി ശ്രീനിവാസ് പറഞ്ഞു. ഗൌരവമേറിയ സംഭവമാണ് ഇത്. ആഭ്യന്തര അന്വേഷണത്തിന് ഉത്തരവിട്ടു. കുറ്റക്കാരെന്ന് കണ്ടെത്തിയാല്‍ കര്‍ശന നടപടി സ്വീകരിക്കുമെന്നും ഡയറക്ടര് ജനറല്‍ വ്യക്തമാക്കി.
അതേസമയം, സംഭവത്തെക്കുറിച്ച് കായികവകുപ്പ് സെക്രട്ടറി അന്വേഷിക്കുമെന്ന് സംസ്ഥാന കായികമന്ത്രി തിരുവഞ്ചൂര്‍ രാധാകൃഷ്‌ണന്‍ പറഞ്ഞു. കുട്ടികളുടെ ചികിത്സ ചെലവ് സര്‍ക്കാര്‍ വഹിക്കുമെന്നും തിരുവഞ്ചൂര്‍ അറിയിച്ചു. ആലപ്പുഴയില്‍ എത്തിയ കായികമന്ത്രി മാധ്യമങ്ങളോടാണ് ഇക്കാര്യം പറഞ്ഞത്.