മലയാള സിനിമയിലെ ഏറ്റവും തിരക്കുള്ള അസോസിയേറ്റ് ഡയറക്ടര്‍മാരില്‍ ഒരാളായിരുന്നു സജി പരവൂര്‍. ഇപ്പോള്‍ റോഷന്‍ ആന്‍ഡ്രൂസ് സംവിധാനം ചെയ്യുന്ന ‘സ്കൂള്‍ ബസ്’ എന്ന ചിത്രത്തിന്‍റെ അസോസിയേറ്റായി പ്രവര്‍ത്തിച്ചുവരികയായിരുന്നു. മകന്‍റെ പിറന്നാളാഘോഷത്തിനായി കൊല്ലത്തെ വീട്ടിലെത്തിയ സജിക്ക് പക്ഷാഘാതമുണ്ടാവുകയായിരുന്നു.
ലെനിന്‍ രാജേന്ദ്രന്‍, കെ മധു, ഷാജൂണ്‍ കാര്യാല്‍, എ കെ സാജന്‍ തുടങ്ങി ഒട്ടേറെ സംവിധായകരുടെ ചീഫ് അസോസിയേറ്റായിരുന്നു. സേതുരാമയ്യര്‍ സി ബി ഐ, ലങ്ക, നേരറിയാന്‍ സി ബി ഐ, കഥ പറയുമ്പോള്‍ തുടങ്ങി ഒട്ടേറെ സിനിമകളില്‍ പ്രവര്‍ത്തിച്ചിട്ടുണ്ട്.
