സഹോദരന്റെ ആത്മഹത്യക്ക് ഉത്തരവാദിയെന്ന് ആരോപിച്ച് ഉറങ്ങിക്കിടന്ന യുവാവിന്റെ തലയില്‍ ബോംബ് വച്ച് പൊട്ടിച്ചുവെന്ന് റിപ്പോര്‍ട്ട്. ബോംബ് പൊട്ടിയ ശേഷം ഓടി രക്ഷപ്പെടാന്‍ ശ്രമിച്ച യുവാവിനെ നാട്ടുകാര്‍ പിടികൂടി പൊലീസിന് കൈമാറി.
വിഴിഞ്ഞം കോട്ടപ്പുറം കടക്കുളം കോളനിയിലെ ഷൈജുവിനെയാണ് (27) വിഴിഞ്ഞം പഴയപള്ളിക്ക് സമീപം താമസിക്കുന്ന എഡ്വിന്‍ ബോംബ് വച്ച് കൊല്ലാന്‍ ശ്രമിച്ചതിന്റെ പേരില്‍ പൊലീസ് പിടികൂടിയത്.
ഷൈജു പണിയെടുക്കുന്ന സ്ഥലത്തെ ഷെഡില്‍ കിടന്നുറങ്ങുമ്പോള്‍ നാടന്‍ബോംബ് പൊട്ടിക്കുകയായിരുന്നു.ഓടിയെത്തിയ നാട്ടുകാരാണ് ഷൈജുവിനെ ആശുപത്രിയിലെത്തിച്ചത്. എഡ്വിനെ വിശദമായി ചോദ്യം ചെയ്തുവരികയാണ്.