‘ഇറക്കിവിടുമ്പോള്‍ പോകാനും തിരിച്ചു വിളിക്കുമ്പോള്‍ വരാനും താന്‍ എന്താ വളര്‍ത്തു പട്ടിയാണോ? നീ വാ, നീ പോ പട്ടിയെ അല്ലേ അങ്ങനെ വിളിക്കുന്നത്’ - ഗൌരിയമ്മ ചോദിച്ചു. സി പി എമ്മിന്റെ സംസ്ഥാനസമ്മേളനം ആലപ്പുഴയില്‍ തുടങ്ങാന്‍ മൂന്നു ദിവസങ്ങള്‍ മാത്രം ബാക്കി നില്‍ക്കേയാണ് ഗൌരിയമ്മയുടെ വിവാദപരമായ പരാമര്‍ശം.
സമ്മേളനത്തില്‍ പങ്കെടുക്കാന്‍ ആരും ക്ഷണിച്ചിട്ടില്ല. പക്ഷേ, സമ്മേളനം നടക്കുന്ന കാര്യം പറയാന്‍ വേണ്ടി തോമസ് ഐസക് വന്നിരുന്നുവെന്നും ഗൌരിയമ്മ പറഞ്ഞു. ജെ എസ് എസ് ഘടകകക്ഷിയാകാന്‍ കത്ത് കൊടുത്തിട്ടുണ്ട്. അതില്‍ ഇതുവരെ തീരുമാനമൊന്നും ആയിട്ടില്ല. ഘടകകക്ഷിയായി തെരഞ്ഞെടുത്തിരിക്കുന്നു എന്ന് അറിയിച്ചിട്ടില്ല. പക്ഷേ, പരിപാടികള്‍ക്കൊക്കെ വിളിക്കാറുണ്ടെന്നും ഗൌരിയമ്മ പറഞ്ഞു. 1994ലാണ് ഗൌരിയമ്മയെ പാര്‍ട്ടി പുറത്താക്കുന്നത്.
