പെരിഞ്ഞനം കാട്ടൂര്‍ സ്വദേശി നവാസിനെ വെട്ടിക്കൊലപ്പെടുത്തിയ കേസില്‍ കുറ്റക്കാര്‍ക്കെല്ലാം ജീവപര്യന്തം. ഇരിങ്ങാലക്കുട ജില്ല സെഷന്‍സ് കോടതിയാണ് ശിക്ഷ വിധിച്ചത്. സി പി എം മുന്‍ ലോക്കല്‍ സെക്രട്ടറി അടക്കമുള്ള പത്തു പ്രതികള്‍ക്കാണ് കോടതി ജീവപര്യന്തം തടവുശിക്ഷ വിധിച്ചത്.
പ്രതികള്‍ കുറ്റക്കാരാണെന്ന് കോടതി ഇന്നു രാവിലെ വിധിച്ചിരുന്നു. ഒമ്പതാം പ്രതി സുമേഷിനെ കുറ്റക്കാരനല്ലെന്ന് കണ്ട് കോടതി വെറുതെവിട്ടു. ഒന്നുമുതല്‍ അഞ്ചുവരെയുള്ള പ്രതികള്‍ എണ്‍പതിനായിരം രൂപയും ആറുമുതല്‍ പതിനൊന്നു വരെയുള്ള പ്രതികള്‍ അറുപതിനായിരം രൂപയും പിഴയൊഴുക്കണമെന്നും കോടതി വിധിച്ചു.