കൊച്ചിയിൽ ആക്രമിക്കപ്പെട്ട നടിക്ക് പിന്തുണയുമായി നടൻ സിദ്ദിഖ്. ഫേസ്ബുക്കിലൂടെയാണ് സിദ്ദിഖ് തന്റെ പിന്തുണ അറിയിച്ചിരിക്കുന്നത്. 'നിന്നെ ഇര മാത്രമാക്കുന്ന കാട്ടു നീതിക്കും മുന്നിൽ നീ തീയായില്ലെങ്കിലും ഒരു തീക്കനലെങ്കിലും ആവുക' എന്ന് സിദിഖ് പറയുന്നു.
"പെണ്ണേ, ആ കണ്ണുകൾ ജ്വലിക്കട്ടെ. നിന്നെ ഇര മാത്രമാക്കുന്ന കാട്ടു നീതിക്കു മുമ്പിൽ നീ തീയായില്ലെങ്കിലും ഒരു തീക്കനലെങ്കിലുമാവുക. വേട്ടയാടാൻ മാത്രമറിയാവുന്ന കാട്ടാളന്മാരെ ജീവിതാവസാനം വരെ പൊള്ളിക്കുന്ന തീക്കനൽ" - എന്നായിരുന്നു സിദ്ദിഖിന്റെ ഫെസ്ബുക്ക് പോസ്റ്റ്.
അതേസമയം, നടിയെ ആക്രമിച്ച കേസിൽ ദിലീപിനെതിരായ കുറ്റപത്രം വൈകാതെ സമർപ്പിക്കാൻ പൊലീസ് ശ്രമം തുടരുന്നുണ്ട്. ഒന്നു രണ്ട് ആഴ്ചയ്ക്കുള്ളിൽ കുറ്റപത്രം സമർപ്പിക്കാൻ കഴിയുമെന്നാണ് പൊലീസിന്റെ വിശ്വാസം. നാല് സാക്ഷിമൊഴികളും മൊബൈൽ ഫോണുകളുടെയും സിസിടിവി ദൃശ്യങ്ങളുടെയും ശാസ്ത്രീയ പരിശോധന ഫലങ്ങൾ ഉൾപ്പെടുത്തി സമഗ്രമായ കുറ്റപത്രം സമർപ്പിക്കാനാണ് പൊലീസ് ആലോചിക്കുന്നത്.