പൂരത്തിന് കൊണ്ടുപോയ പതിനഞ്ചുകാരിയെ പീഡിപ്പിച്ചു

PRO

PRO

പൂരത്തിന് കൊണ്ടുപോയ പതിനഞ്ചുകാരിയെ പീഡിപ്പിച്ച രണ്ടു പേര്‍ അറസ്റ്റില്‍. വില്‍വട്ടം കുറ്റുമുക്ക്‌ സ്വദേശികളായ പൊങ്ങണംപറമ്പില്‍ മനോജ്‌ (24), ഇയാളുടെ സുഹൃത്ത്‌ പനവളപ്പില്‍ വിമല്‍ എന്നിവരാണ്‌ അറസ്റ്റിലായത്‌. ഇവരെ കോടതിയില്‍ ഹാജരാക്കി റിമാന്‍ഡ്‌ ചെയ്തു.

കഴിഞ്ഞദിവസം പുലര്‍ച്ചെ രണ്ടരയോടെയാണ്‌ കുറ്റുമുക്ക്‌ പൂരം കാണിക്കാമെന്നു പറഞ്ഞ്‌ പ്രതികള്‍ പെണ്‍കുട്ടിയെ പെരിങ്ങാവിലുള്ള വീട്ടില്‍നിന്നു ബൈക്കില്‍ കൊണ്ടുപോയത്‌. തുടര്‍ന്ന്‌ ആളൊഴിഞ്ഞ വഴിയില്‍വച്ച്‌ മനോജ്‌ പീഡിപ്പിക്കുകയായിരുന്നു.

ഇതിനുമുമ്പ്‌ രണ്ടുപ്രാവശ്യം മനോജ്‌ പെണ്‍കുട്ടിയെ വീട്ടില്‍വച്ചും പീഡിപ്പിച്ചതായി പൊലീസ്‌ പറഞ്ഞു. ഇതിന്‌ ഒത്താശ ചെയ്തുകൊടുത്തുവെന്നാണ്‌ വിമലിനെതിരേയുള്ള കേസ്‌. പെണ്‍കുട്ടിയുടെ വീടിനടുത്തുള്ള വര്‍ക്ക്ഷോപ്പിലെ ജീവനക്കാരനാണ്‌ മനോജ്‌.