നടിയെ ആക്രമിച്ച കേസില്‍ ജയിലില്‍ കഴിയുന്ന ദിലീപിനു പിന്തുണയുമായി നടൻ ശ്രീനിവാസൻ. ഇത്തരത്തിലുള്ളൊരു മണ്ടത്തരത്തിനു മുതിരത്തില്ലെന്നാണ് താന്‍ കരുതുന്നതെന്നും ശ്രീനിവാസന്‍ പറഞ്ഞു. അംഗങ്ങൾക്കു കാണിക്ക അർപ്പിക്കാന്‍ മാത്രമുള്ള വേദിയായി ‘അമ്മ’ എന്ന സംഘടന മാറുകയാണെന്നും കറ്റാനത്ത് ഓണാട്ടുകര കോക്കനട്ട് ഓയിൽ കമ്പനി സന്ദർശിക്കവെ അദ്ദേഹം കൂട്ടിച്ചേര്‍ത്തു.
അതേസമയം, നടിയെ ആക്രമിച്ച കേസില്‍ നടിയും അവതാരകയും ഗായികയുമായ റിമി ടോമിയെ പൊലിസ് ചോദ്യം ചെയ്തു. കേസുമായി ബന്ധപ്പെട്ട് കഴിഞ്ഞ ദിവസം കാവ്യ മാധവനേയും കാവ്യയുടെ അമ്മ ശ്യാമളയേയും പൊലീസ് ചോദ്യം ചെയ്തിരുന്നു. ഇതിന് പിന്നാലെയാണ് കേസുമായി ബന്ധപ്പെട്ട് റിമി ടോമിയെ പൊലീസ് ചോദ്യം ചെയ്തത്. കാവ്യയോ, ശ്യാമളയോ, റിമിയോ ആയിരിക്കാം പള്‍സര്‍ സുനി പറഞ്ഞ ആ ‘മാഡം’ എന്നും പൊലീസ് സംശയിക്കുന്നുണ്ട്.
കേസുമായി ബന്ധപ്പെട്ട് അറസ്റ്റിലായ നടന്‍ ദിലീപിന്റെ അടുത്ത സുഹൃത്തു കൂടിയാണ് റിമി. ദിലീപുമായി സാമ്പത്തിക ഇടപാടുകള്‍ എന്തെങ്കിലും ഉണ്ടോയെന്ന് താരത്തിനോട് പൊലീസ് ചോദിച്ചു. നടി ആക്രമിക്കപ്പെട്ട വിവരം എങ്ങനെയാണ് അറിഞ്ഞതെന്നും റിമിയോട് പൊലീസ് ചോദിച്ചതായാണ് ലഭിക്കുന്ന വിവരം. ഫോണിലൂടെയായിരുന്നു ചോദ്യം ചെയ്യല്‍. ചോദ്യം ചെയ്യലില്‍ നിര്‍ണായകമായ വിവരങ്ങള്‍ പൊലീസിന് ലഭിച്ചുവെന്നും റിപ്പോര്‍ട്ടുണ്ട്.
