ഇന്റര്‍നെറ്റ് വ്യാപകമായതോടെ അശ്ലീല സൈറ്റുകളിലെ കാഴ്ച്ചക്കാരും വര്‍ദ്ധിച്ചു. അശ്ലീല സൈറ്റുകള്‍ കാണുന്നവരുടെ എണ്ണത്തില്‍ ദിനം പ്രതി വര്‍ദ്ധനയാണ് ഉണ്ടായിരിക്കുന്നത്. എന്നാല്‍ ഇത്രത്തോളം പ്രചാരമുള്ള അശ്ലീല സൈറ്റുകള്‍ക്ക് തിരിച്ചടി നേരിട്ടതായാണ് പുതിയ റിപ്പോര്‍ട്ട്.
അശ്ലീല സൈറ്റുകള്‍ക്ക് തിരിച്ചടി നല്‍കിയത് ഒരു ടെലിവിഷന്‍ പരമ്പരയാണെന്നതാണ് ഏറ്റവും കൗതുകകരമായ വസ്തുത. എച്ച്ബിഒയില്‍ സംപ്രേക്ഷണം ചെയ്യുന്ന ഗെയിം ഓഫ് ത്രോണ്‍സ് എന്ന ടെലിവിഷന്‍ പരമ്പരയാണ് അശ്ലീല സൈറ്റുകള്‍ക്ക് പണികൊടുത്തിരിക്കുന്നത്.
ലോകത്ത് തന്നെ ഏറ്റവും അധികം കാഴ്ചക്കാരുള്ള പരമ്പര എന്ന നിലയില്‍ ഗെയിം ഓഫ് ത്രോണ്‍സ് ഏറെ പ്രശസ്തമാണ്. ഗെയിം ഓഫ് ത്രോണ്‍സിന്റെ ഏഴാം സീസണ്‍ ആരംഭിച്ചതോടെ മറ്റൊരു പരിപാടിയും കാണാന്‍ ആളില്ലാത്ത അവസ്ഥയായി. ഒരു കോടി ആളുകളാണ് ഈ പരമ്പര ആരംഭിച്ചതോടെ മറ്റൊരു പരിപാടിയും കാണാതായത്.