രാമായണത്തിലെ ഹനുമാന്‍ കഥാപാത്രത്തെ ആസ്പദമാക്കി സോണി പ്ലേ സ്റ്റേഷന്‍ പുതിയ ഗെയിം പുറത്തിറക്കുന്നു. പ്ലേ സ്റ്റേഷന്‍ സെക്കന്‍റ് (പി‌എസ്2) എന്ന ഗെയിം മാര്‍ച്ച് 25നാണ് പുറത്തിറങ്ങുന്നത്. ഇന്ത്യന്‍ പശ്ചാത്തലത്തില്‍ സോണി പ്ലേ സ്റ്റേഷന്‍ ഇറക്കുന്ന ആദ്യ ഗെയിംസ് കൂടിയണിത്.
ഇന്ത്യന്‍ ഗെയിം സ്റ്റുഡിയോ-ഔരോന ടെക്നോളജീസാണ് ഈ ഗെയിം നിര്‍മ്മിച്ചിരിക്കുന്നത്. പുതിയ ഗെയിമിന്‍റെ ഹിന്ദി പതിപ്പും പുറത്തിറക്കുന്നുണ്ട്. മികവാര്‍ന്ന ഗ്രാഫിക്സ് ഉപയോഗിച്ച് നിര്‍മ്മിച്ച ഹനുമാന്‍ ഗെയിമിന് 499 രൂപയാണ് മൊത്ത വില നിശ്ചയിച്ചിരിക്കുന്നത്.
അസുരന്‍‌മാരുമായുള്ള യുദ്ധത്തെ അടിസ്ഥാനമാക്കിയാണ് ഹനുമാന്‍ കളി. ഏറ്റവും കൂടുതല്‍ അസുരന്‍‌മാരെ കൊന്നൊടുക്കാന്‍ കഴിയുന്നവരാണ് ഹനുമാന്‍ കളിയില്‍ വിജയിക്കുക. ഹനുമാനെതിരെ പ്രധാനമായും നാലു എതിരാളികളാണ് കളിക്കളത്തിലുള്ളത്. ശിര്‍കാസുരന്‍, തക്ഷകന്‍, ബ്രഹ്മരക്ഷസ്, മയൂരസന്‍ എന്നിവരാണ് എതിരാളികള്‍. അസുരന്‍‌മാരെ കൊന്നൊടുക്കി സൂര്യനെ സ്വതന്ത്രമാക്കുക എന്നതാണ് കളിയുടെ ല‌ക്‍ഷ്യം.