പ്രമുഖ ഇന്ത്യന്‍ വൈവാഹിക വെബ്സൈറ്റായ ശാദീ ഡോട്ട് കോം തങ്ങളുടെ സേവനങ്ങള്‍ മൊബൈല്‍ ഫോണിലും ലഭ്യമാക്കുന്നു. മൊബൈല്‍ സേവനദാതാക്കളായ വൊഡാഫോണുമായി ചേര്‍ന്നാണ് കമ്പനി ഈ പദ്ധതി നടപ്പിലാക്കുന്നത്.
ഇത്തരമൊരു സേവനം ആദ്യമായാണ് ഇന്ത്യയില്‍ വരുന്നതെന്നാണ് കമ്പനിയുടെ അവകാശവാദം. വൊഡാഫോണ്‍ മൊബൈലില്‍ നിന്ന് 57007 എന്ന നമ്പറിലേക്ക് ഡയല്‍ ചെയ്തൊ ‘ശാദീ’ എന്ന് ഇതേ നമ്പറിലേക്ക് എസ് എം എസ് ചെയ്തോ ഈ സേവനം ഉപയോഗിക്കാം. ഇതിന് പുറമേ വോഡാഫോണ്‍ ലൈവിലെ ശാദീ ഡോട്ട് കോം എന്ന ലിങ്കിലൂടെയും ഈ വെബ്സൈറ്റില്‍ എത്തിച്ചേരാം.
ഇന്‍റര്‍നെറ്റില്‍ കടക്കാതെ തന്നെ ശാദീ ഡോട്ട് കോമില്‍ രജിസ്റ്റര്‍ ചെയ്തിരിക്കുന്ന പ്രൊഫൈലുകള്‍ തിരയാനും വിവാഹ താല്പര്യം ആറിയിക്കാനുമുള്ള് സൌകര്യം ഈ സേവനത്തിലൂടെ ലഭ്യമാകും. രജിസ്റ്റര്‍ ചെയ്ത അംഗങ്ങള്‍ക്ക് വ്യക്തിഗത സന്ദേശങ്ങള്‍ അയക്കാനും വൊഡാഫോണ്‍ ഉപയോക്താക്കള്‍ക്ക് ഇതിലൂടെ സാധിക്കും.
മോജ് മൊബൈലിന്‍റെ സാങ്കേതിക സഹായത്തോടെയാണ് വോഡാഫോണും ശാദീ ഡോട്ട് കോമും ഈ സേവനം അവതരിപ്പിച്ചിരിക്കുന്നത്.