കൊല്‍ക്കത്ത നൈറ്റ് റൈഡേഴ്‌സിനെ ഫൈനലിലെത്തിച്ചതോടെ ഐപിഎല്‍ ചരിത്രത്തില്‍ തന്നെ ഇതുവരെ മറ്റൊരു താരത്തിനുമില്ലാത്ത തകര്‍പ്പന്‍ നേട്ടം സ്വന്തമാക്കി കൊല്‍ക്കത്ത നായകന്‍ ശ്രേയസ് അയ്യര്‍. ഐപിഎല്ലില്‍ 2 വ്യത്യസ്ത ഫ്രാഞ്ചൈസികളെ ഫൈനലിലെത്തിക്കുന്ന ആദ്യ നായകനാണ് ശ്രേയസ് അയ്യര്‍. 2020ല്‍ ഡല്‍ഹി ക്യാപ്പിറ്റല്‍സിനെ ശ്രേയസ് ഫൈനലിലെത്തിച്ചിരുന്നെങ്കിലും അന്ന് കിരീടം സ്വന്തമാക്കാന്‍ ശ്രേയസിന് സാധിച്ചിരുന്നില്ല. മുംബൈ ഇന്ത്യന്‍സായിരുന്നു ആ വര്‍ഷത്തെ ഐപിഎല്‍ ചാമ്പ്യന്മാര്‍.
