ഐപിഎല് പ്ലേ ഓഫ് പ്രവേശനത്തിന് പിന്നാലെ ടീം സ്പിരിറ്റിന് മാതൃകയായി റോയല് ചലഞ്ചേഴ്സ് ബെംഗളുരു. ചെന്നൈക്കെതിരായ അര്ധസെഞ്ചുറിയും കളിയെ തന്നെ മൊത്തത്തില് തിരിച്ചുവിട്ട തകര്പ്പന് ക്യാച്ചും സ്വന്തമാക്കി വിജയതീരത്തിലെത്തിച്ച ഫാഫ് ഡുപ്ലെസിക്കായിരുന്നു കളിയിലെ താരത്തിനുള്ള പുരസ്കാരം. എന്നാല് ബാംഗ്ലൂര് നായകന് കൂടിയായ ഫാഫ് ഡുപ്ലെസി തനിക്ക് കിട്ടിയ പുരസ്കാരം ആര്സിബി പേസറായ യാഷ് ദയാലിന് സമര്പ്പിക്കുകയായിരുന്നു.
