തോല്‍‌വികളില്‍ നിന്നും തോല്‍‌വികളിലേക്ക്; ഗംഭീർ ഡല്‍ഹിയുടെ നായകസ്ഥാനം ഒഴിഞ്ഞു - പുതിയ ക്യാപ്‌റ്റനെ പ്രഖ്യാപിച്ചു
ഗൗതം ഗംഭീർ ഡൽഹി ഡെയർ ഡെവിൾസിന്റെ നായകസ്ഥാനം രാജിവച്ചു. ടീമിന്റെ മോശം പ്രകടനവും താരത്തിന്റെ ഫോമില്ലായ്‌മയുമാണ് ക്യാപ്‌റ്റന്‍ സ്ഥാനത്തു നിന്നും ഒഴിവാകാന്‍ അദ്ദേഹത്തെ പ്രേരിപ്പിച്ചത്.
ശ്രേയസ് അയ്യരാണ് ഡൽഹിയുടെ പുതിയ നായകൻ. നായക സ്ഥാനം ഒഴിയുന്നതായി വാര്‍ത്താ സമ്മേളനം വിളിച്ചാണ് ഗംഭീര്‍ വ്യക്തമാക്കിയത്. ടീം പരിശീലകന്‍ റിക്കി പോണ്ടിംഗ്, ശ്രേയസ് അയ്യര്‍, ടീം സി ഇ ഒ ഹേമന്ത് ദുവ എന്നിവരും വാര്‍ത്താ സമ്മേളനത്തില്‍ പങ്കെടുത്തു.
ഈ സീസണിലെ ദയനീയ പ്രകടനമാണ് ഗംഭീര്‍ നായകസ്ഥാനം ഒഴിയാന്‍ കാരണം. ആറ് മത്സരങ്ങളില്‍ നിന്നായി ഒരു ജയം മാത്രമാണ് ഡല്‍ഹിക്ക് നേടാന്‍ കഴിഞ്ഞത്. പോയിന്റ് പട്ടികയില്‍ ഏറ്റവും പിന്നിലാണ് ഡല്‍ഹി.
