മ്യാന്മാറില് സൈന്യം പ്രതിപക്ഷ ശക്തികേന്ദ്രത്തില് നടത്തിയ വ്യോമാക്രമണത്തില് 100ഓളം പേര് കൊല്ലപ്പെട്ടു. വടക്കുപടിഞ്ഞാറന് ഭാഗത്താണ് സൈന്യം ആക്രമണം നടത്തിയത്. ആക്രമണത്തെ ഐക്യരാഷ്ട്രസഭ സെക്രട്ടറി ജനറല് അന്റോണിയോ ഗുട്ടെറസ് ശക്തമായി അപലപിച്ചു. രക്ഷാസമിതി പ്രമേയം അനുസരിച്ച് ജനങ്ങള്ക്കെതിരായ അക്രമം അവസാനിപ്പിക്കണമെന്ന് ഗൂട്ടെറസ് സൈന്യത്തോട് ആവശ്യപ്പെട്ടു.
