സ്വന്തം ഫ്ലാറ്റെന്ന് കരുതി മറ്റൊരു മുറിയിൽ കയറി യുവാവിനെ വെടിവച്ചു കൊലപ്പെടുത്തിയ പൊലീസുകാരിക്ക് 10 വർഷം തടവ് വിധിച്ച് കോടതി. അമേരിക്കയിലെ ഡാലസിലാണ് സംഭവം ഉണ്ടായത്. ഫ്ലാറ്റിൽ അതിക്രമിച്ച് കയറി എന്ന് തെറ്റിദ്ധരിച്ചാണ് ആംബർ ഗൈഗർ എന്ന പൊലീസ് ഉദ്യോഗസ്ഥ ബോത്തം ജോൺ എന്ന യുവാവിനെ വെടിവച്ച് കൊലപ്പെടുത്തിയത്.
സംഭവത്തെ തുടർന്ന് ഇവരെ സേനയിൽനിന്നും പുറത്താക്കിയിരുന്നു. 2018 സെപ്തംബറിൽ ഡാലസിലെ സൗത്ത് സൈഡ് അപ്പാർട്ട്മെന്റിലാണ് കേസിനാസ്‌പദമായ സംഭവം ഉണ്ടായത്. സ്വന്തം ഫ്ലാറ്റ് എന്ന് കരുത്തി ഉദ്യോഗസ്ഥ ബോത്തം താമസിച്ചിരുന്ന ഫ്ലാറ്റിലേക്ക് കയറുകയായിരുന്നു. യുവാവ് മുറിയിൽ അതിക്രമിച്ച് കയറി എന്ന് തെറ്റിദ്ധരിച്ച ആംബർ സർവീസ് റിവോൾവർ ഉപയോഗിച്ച് യുവാവിന് നേരെ വെടിയുതിർക്കുകയായിരുന്നു.
