കഴിഞ്ഞയാഴ്ച എന്ത് ചെയ്തു, ഫെഡറല്‍ ജീവനക്കാര്‍ക്ക് മസ്‌കിന്റെ ഇ മെയില്‍, മറുപടി നല്‍കിയില്ലെങ്കില്‍ ജോലിയില്‍ നിന്നും പുറത്ത്
ആര്‍ട്ടിഫിഷ്യല്‍ ഇന്റലിജന്‍സ് ടൂളുകള്‍ ഫലപ്രദമായി ഉപയോഗിക്കാന്‍ സാധാരണക്കാരെ പ്രാപ്തരാക്കുന്ന ഓണ്‍ലൈന്‍ പരിശീലന പദ്ധതിക്ക് തുടക്കം കുറിക്കാനൊരുങ്ങി കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍. എ ഐ എസന്‍ഷ്യന്‍സ് എന്നാണ് പുതിയ കോഴ്‌സിന്റെ പേര്. ആദ്യം രജിസ്റ്റര്‍ ചെയ്യുന്ന 25,00 പേരെയാണ് എ ഐ പരിശീലനത്തിന്റെ ഒന്നാം ബാച്ചില്‍ ഉള്‍പ്പെടുത്തുക. മാര്‍ച്ച് 5 വരെ രജിസ്റ്റര്‍ ചെയ്യാം.
കൈറ്റിന്റെ നാലാഴ്ച ദൈര്‍ഘ്യമുള്ള എ ഐ എസന്‍ഷ്യല്‍സ് എന്ന ഓണ്‍ലൈന്‍ കോഴ്‌സില്‍ ഓരോ 20 പേര്‍ക്കും പ്രത്യേക മെന്റര്‍മാരുണ്ടാകും. കോഴ്‌സിന്റെ ഭാഗമായി വീഡിയോ ക്ലാസുകള്‍ക്കും റിസോഴ്‌സുകള്‍ക്കും പുറമെ എല്ലാ ആഴ്ചയും ഓണ്‍ലൈന്‍ കോണ്ടാക്റ്റ് ക്ലാസും ഉണ്ടാകും. നേരത്തെ 80,000 സ്‌കൂള്‍ അധ്യാപകര്‍ക്കായി കൈറ്റ് നടത്തിയ എ ഐ പരിശീലന മൊഡ്യൂള്‍ മെച്ചപ്പെടുത്തിയാണ് എ ഐ എസെന്‍ഷ്യല്‍സ് എന്ന പുതിയ കോഴ്‌സ് തയ്യാറാക്കിയിരിക്കുന്നത്.
