ഈജിപ്തില്‍ സംയുക്തസേന നടത്തിയ ആക്രമണത്തില്‍ 19 ഭീകരര്‍ കൊല്ലപ്പെട്ടു. പടിഞ്ഞാറന്‍ സിനായിലെ ഭീകരരുടെ ഒളിത്താവളങ്ങള്‍ക്കു നേരെയാണ് സുരക്ഷാസേന ആക്രമണം നടത്തിയത്. നിരവധി ഭീകരര്‍ക്ക് പരുക്കേറ്റിട്ടുണ്ട്. അതിനാല്‍ മരണസംഖ്യ ഉയരുമെന്നാണ് ലഭിക്കുന്ന വിവരം.
സിനായിലെ ഭീകരരുടെ ഒളിത്താവളങ്ങള്‍ക്കു നേരെ സംയുക്തസേന ആക്രമണം ശക്തമാക്കിയിരിക്കുകയാണ്. ആക്രമണത്തില്‍ ഭീകരരുടെ സങ്കേതങ്ങാളും വാഹനങ്ങളും നശിച്ചു. മേഖലയില്‍ ഭീകരവിരുദ്ധ ദൌത്യം തുടങ്ങിയിട്ട് 15 ദിവസമായെന്നും ഇതിനോടകം നൂറിലധികം ഭീകരരെ വകവരുത്തിയെന്നും ബ്രിഗേഡിയര്‍ ജനറല്‍ മുഹമ്മദ് സമീര്‍ പറഞ്ഞു.
ശക്തമായ ആക്രമണം തുടരുമെന്ന് സംയുക്തസേന വ്യക്തമാക്കി. സിനായിലും പരിസരപ്രദേശങ്ങളിലും തെരച്ചില്‍ നടത്താനും ആക്രമണങ്ങള്‍ കൂടുതല്‍ മേഖലകളിലേക്ക് വ്യാപിപ്പിക്കാനും അധികൃതര്‍ തീരുമാനിച്ചിട്ടുണ്ട്.