' ഞാന്‍ എപ്പോഴും മോദിയുടെ സുഹൃത്തായിരിക്കും. അദ്ദേഹം മികച്ചൊരു പ്രധാനമന്ത്രിയാണ്. എന്നാല്‍ മോദി ഇപ്പോള്‍ ചെയ്യുന്ന പലകാര്യങ്ങളും എനിക്ക് ഇഷ്ടമല്ല. അങ്ങനെയാണെങ്കിലും ഇന്ത്യയും യുഎസും തമ്മില്‍ വളരെ മികച്ച ബന്ധം തുടരുന്നുണ്ട്. അതില്‍ ആശങ്കപ്പെടാന്‍ ഒന്നുമില്ല,' ട്രംപ് പറഞ്ഞു.
റഷ്യയില്‍ നിന്ന് വലിയ തോതില്‍ എണ്ണ വാങ്ങുന്ന ഇന്ത്യയുടെ നയത്തില്‍ നിരാശ തോന്നിയിരുന്നു. ഇക്കാര്യം താന്‍ ഇന്ത്യയെ അറിയിച്ചിട്ടുണ്ടെന്നും ട്രംപ് പറഞ്ഞു. ' ഞങ്ങള്‍ ഇന്ത്യയ്ക്ക് ഉയര്‍ന്ന തീരുവ ഏര്‍പ്പെടുത്തി, 50 ശതമാനം തീരുവ. എനിക്ക് നരേന്ദ്ര മോദിയുമായി വളരെ നല്ല ബന്ധമുണ്ട്, അദ്ദേഹം വളരെ മികച്ച നേതാവാണ്. കുറച്ച് മാസങ്ങള്‍ക്ക് മുന്‍പ് അദ്ദേഹം ഇവിടെ ഉണ്ടായിരുന്നു,'- ട്രംപ് പറഞ്ഞു.
