നേപ്പാളി കോണ്‍ഗ്രസ് പാര്‍ട്ടിനേതാവായ സുശീല്‍ കൊയ്‌രാള നേപ്പാള്‍പ്രധാനമന്ത്രിയാവുന്നു. പ്രതിപക്ഷ പാര്‍ട്ടിയായ യൂണിഫൈഡ് മാര്‍ക്‌സിസ്റ്റ് ലെനിനിസ്റ്റ് പാര്‍ട്ടി പിന്തുണ പ്രഖ്യാപിച്ചതോടെയാണ് നേപ്പാളി കോണ്‍ഗ്രസ് പാര്‍ട്ടിനേതാവായ കൊയ്‌രാള പ്രധാനമന്ത്രി സ്ഥാനത്തേക്ക് എത്തുന്നത്.
കഴിഞ്ഞ നവംബറില്‍ നടന്ന തെരഞ്ഞെടുപ്പില്‍ ഒരുകക്ഷിക്കും വ്യക്തമായ ഭൂരിപക്ഷമുണ്ടായിരുന്നില്ല. നേപ്പാളി കോണ്‍ഗ്രസിന് 196 സീറ്റും മാര്‍ക്‌സിസ്റ്റ് പാര്‍ട്ടിക്ക് 175 സീറ്റുമാണ് കിട്ടിയത്. മാവോവാദി പാര്‍ട്ടിക്ക് 80 സീറ്റുണ്ടായിരുന്നു. പ്രധാനമന്ത്രി ആരാവണമെന്ന കാര്യത്തില്‍ കോണ്‍ഗ്രസ് പാര്‍ട്ടിയിലുണ്ടായ തര്‍ക്കവും സര്‍ക്കാര്‍രൂപവത്കരണത്തിന് തിരിച്ചടിയായിരുന്നു.