കെനിയയിലെ ഒരു റെസ്റ്റോറെന്റില്‍ നടന്ന വെടിവെയ്‌പില്‍ 5 പേര്‍ മരിച്ചു. കിഴക്കന്‍ കെനിയയിലെ ഗരിസാ നഗരത്തിലാണ്‌ സംഭവം നടന്നത്. സംഭവത്തില്‍ നാലു പേര്‍ക്ക്‌ പരുക്കേറ്റു.
ആയുധധാരികളായ ഒരു സംഘം റെസ്റ്റോറെന്റിലേക്ക് കയറിച്ചെന്ന്‌ വെടിവെയ്പ്‌ നടത്തുകയായിരുന്നു. സൊമാലിയന്‍ തീവ്രവാദി സംഘടനയായ അല്‍ ഷബാബാണ്‌ ആക്രമണത്തിനു പിന്നിലെന്ന്‌ പൊലീസ്‌ സംശയിക്കുന്നു. സംഭവസ്ഥലത്ത്‌ വച്ചു തന്നെ മൂന്നു പേര്‍ മരിച്ചു. രണ്ടു പേര്‍ ആശുപത്രിയിലേക്ക്‌ പോകുന്ന സമയമാണ്‌ മരിച്ചത്‌.
സൊമാലിയയില്‍ യുഎന്‍ പിന്തുണയുള്ള സര്‍ക്കാര്‍ രൂപീകരിച്ചതില്‍ കെനിയയ്ക്കു പങ്കുള്ളതിനാല്‍ പ്രതികാരം ചെയ്യുമെന്ന്‌ അല്‍ ഷബാബ്‌ ഭീഷണി മുഴക്കിയിരുന്നു.