യുഎൻ രക്ഷാസമിതി സ്ഥിരാംഗത്വത്തിനായുള്ള ഇന്ത്യയുടെ ശ്രമത്തെ ശക്തമായി പിന്തുണച്ച് പോർച്ചുഗൽ. എല്ലാ വിഭാഗങ്ങൾക്കും ലോകത്തെ ഏറ്റവും ശക്തമായ സംഘടനയിൽ പ്രാതിനിധ്യം ലഭിക്കേണ്ടതുണ്ടെന്ന് പോർച്ചുഗൽ പ്രധാനമന്ത്രി അന്റോണിയോ ലൂയി ഡകോസ്റ്റ പറഞ്ഞു.
ആഫ്രിക്കൻ ഭൂഖണ്ഡം, ഇന്ത്യ, ബ്രസീൽ എന്നിവയ്ക്കു സ്ഥിരാംഗത്വം എല്ലാക്കാലവും നിഷേധിക്കാനാവില്ലെന്നും അദ്ദേഹം വ്യക്തമാക്കി. അതേസമയം സമാധാനത്തിനും സുരക്ഷിതത്വത്തിനുമായുള്ള ശ്രമങ്ങള്‍ പൂർണമായി നിറവേറ്റപ്പെടുന്നില്ലെന്നും അതിനായി സമഗ്ര മാറ്റം ആവശ്യമാണെന്നും ദക്ഷിണാഫ്രിക്കയുടെ പ്രസിഡന്റ് ജേക്കബ് സുമ പറഞ്ഞു.
അഞ്ച് ആണവ രാഷ്ട്രങ്ങൾ ആണവനിരായുധീകരണത്തിനായി മാത്രമേ പ്രവര്‍ത്തിക്കൂ എന്ന് ഉറപ്പും നല്‍കി. ആണവശക്തികൾ നിരന്തരമായി എതിർക്കുന്ന അണ്വായുധ നിരോധന കരാറിൽ 50 രാജ്യങ്ങൾ ഒപ്പുവച്ചു. ഊർജോൽപാദനത്തിനു മാത്രം ആണവവസ്തുക്കൾ ഉപയോഗപ്പെടുത്തുമെന്ന് ഉറപ്പാക്കുന്നതുമായ കരാർ 120 രാജ്യങ്ങൾ അംഗീകരിച്ചിട്ടുണ്ട്. യുഎൻ രക്ഷാസമിതിയിൽ അഴിച്ചുപണി ആവശ്യമാണെന്ന് ഇന്ത്യ ഉൾപ്പെടുന്ന 4 രാജ്യങ്ങളിലെ വിദേശകാര്യ മന്ത്രിമാരും ഇതേ ആവശ്യവുമായി മുന്നോട്ട് വന്നത്.