രാജ്യാന്തര ചലച്ചിത്രോത്സവത്തിന്‍റെ ഫെസ്റ്റിവല്‍ ഓഫീസ് കൈരളി തീയേറ്റര്‍ അങ്കണത്തില്‍ പ്രവര്‍ത്തനമാരംഭിച്ചു.
ഓഫീസ് പ്രവര്‍ത്തനോദ്ഘാടനം സാംസ്കാരിക മന്ത്രി എം.എ. ബേബി നിര്‍വ്വഹിച്ചു. ഫെസ്റ്റിവല്‍ വെബൈസൈറ്റ് ആയ www.iffk.keralafilm.com ന്‍റെ സ്വിച്ച് ഓണ്‍ കര്‍മ്മവും മന്ത്രി നിര്‍വ്വഹിച്ചു.
ഈ മേള പുതുമകള്‍ കൊണ്ടും വൈവിദ്ധ്യം കൊണ്ടും ചലച്ചിത്ര പ്രേമികള്‍ക്കും സാംസ്കാരിക ലോകത്തിനും വലിയ വിരുന്നായിരിക്കുമന്ന് മന്ത്രി അഭിപ്രായപ്പെട്ടു.
മേളയുടെ മീഡിയാ സെന്‍ററിന്‍റെ ഉദ്ഘാടനം തിരുവനന്തപുരം മേയര്‍ സി. ജയന്‍ ബാബു നിര്‍വ്വഹിച്ചു. എം.എല്‍.എ വി. ശിവന്‍കുട്ടി ഫെസ്റ്റിവല്‍ ബുള്ളറ്റിന്‍റെ ഓഫീസും ഉദ്ഘാടനം ചെയ്തു.
ചടങ്ങില്‍ പ്രസ് ക്ളബ്ബ് പ്രസിഡണ്ട് കെ. ശ്രീകണ്ഠന്‍ അദ്ധ്യക്ഷനായിരുന്നു. പബ്ലിക് റിലേഷന്‍സ് ഡയറക്ടര്‍ പി. വേണുഗോപാല്‍ സ്വാഗതവും പ്രസ് ക്ളബ്ബ് സെക്രട്ടറി ബി.എസ്. പ്രസന്നന്‍ നന്ദിയും പറഞ്ഞു.
ഏഴാം തീയതി വൈകിട്ട് ആറിന് നിശാഗന്ധി ആഡിറ്റോറിയത്തില്‍ നടക്കു ഉദ്ഘാടന ചടങ്ങില്‍ പ്രശസ്ത സിനിമാതാരം കമല്‍ഹാസന്‍ ഭദ്രദീപം തെളിയിക്കും. ചിലിയന്‍ സംവിധായകന്‍ മിഗ്വല്‍ ലിറ്റിന്‍ ആയിരിക്കും മുഖ്യാതിഥി. മന്ത്രി എം.എ. ബേബി അദ്ധ്യക്ഷനായിരിക്കും.