സൗന്ദര്യത്തിൽ അല്പ്പം ശ്രദ്ധിക്കുന്ന ആരുടെയും സമാധനം നഷ്ടപ്പെടുത്തുന്ന ഒന്നാണ് മുഖത്തെ കറുത്ത പാടുകൾ. പഠിച്ച പണി പതിനെട്ടും നോക്കിയാലും പലർക്കും ആ പാടുകൾ കൂടുകയെന്നല്ലാതെ കുറയാറില്ല എന്നതാണ് വസ്തുത. എത്ര കാലം ശ്രമിച്ചിട്ടും അത്തരം പാടുകൾ മാഞ്ഞുപോകുന്നില്ലങ്കില്‍ ഇനി പേടിക്കേണ്ട. ഈ മാര്‍ഗങ്ങള്‍ പരീക്ഷിച്ചുനോക്കിയാല്‍ മാത്രം മതി.
പച്ചമഞ്ഞൾ പശുവിൻ പാലിൽ ചാലിച്ച് കറുത്ത പാടുള്ള ഭാഗത്ത് പുരട്ടുന്നത് ഇതിനി മികച്ച ഒരു പ്രതിവിധിയാണ്. ചന്ദനം തേങ്ങപ്പാലിൽ അരച്ച് പുരട്ടുന്നതും മികച്ച് ഫലം നല്‍കും, നന്നായി പഴുത്ത പപ്പായ പുരട്ടുന്നതും ഉത്തമമാണ്. അല്പം നാരങ്ങ നീരിൽ പഞ്ചസാര ചേർത്ത് പാടുള്ളടത്തു പുരട്ടുന്നതും തക്കാളി നീര് പുരട്ടുന്നതും പാട് മാറാൻ സഹായിക്കും. രക്ത ചന്ദനപൊടി തേനിൽ ചാലിച്ച് പാടുള്ള ഭാഗത്ത് സ്ഥിരമായി പുരട്ടുന്നതും ഉത്തമമാണ്.
ഗ്ലിസറിനും റോസ്‌വാട്ടറും ചേർത്ത മിശ്രിതം സ്ഥിരമായി ചർമ്മത്തിൽ പുരട്ടുന്നതും പാട് മാറാൻ സഹായിക്കും. ഓറഞ്ച് നീരും പനിനീരും സമം എടുത്ത് യോജിപ്പിച്ച് മുഖത്ത് പുരട്ടുന്നതും ആര്യവേപ്പിലയും പച്ചമഞ്ഞളും അരച്ച് മുഖത്ത് പുരട്ടുന്നതും ഈ പ്രശ്നത്തിന് പരിഹാരമാണ്. ഉരുളക്കിഴങ്ങ് പേസ്റ്റും പാടുകളൾ കളയാൻ നല്ലതാണ്. ആര്യവേപ്പിലയും പച്ചമഞ്ഞളും അരച്ച് മുഖത്ത് പുരട്ടുന്നത് പാടുകൾ പെട്ടെന്ന് മാറാൻ സഹായിക്കും.