ആര്‍സിബിയുടെ മാര്‍ക്കറ്റിങ് ആന്‍ഡ് റവന്യു വിഭാഗം തലവനാണ് സോസലെ. അറസ്റ്റിലായ മറ്റു മൂന്ന് പേരെ കുറിച്ച് വെളിപ്പെടുത്തിയിട്ടില്ല. നാല് അറസ്റ്റുകള്‍ രേഖപ്പെടുത്തിയതായി ബെംഗളൂരു പൊലീസും സെന്‍ട്രല്‍ ക്രൈം ബ്രാഞ്ചും സ്ഥിരീകരിച്ചു. കെംപഗൗഡ വിമാനത്താവളത്തിനു സമീപത്തുനിന്നാണ് ഇവരെ പിടികൂടിയത്. ഇവര്‍ വിമാന മാര്‍ഗം വഴി ബെംഗളൂരു വിടാനുള്ള ശ്രമത്തിലായിരുന്നു.
ഡിഎന്‍എ എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡിലെ സുനില്‍ മാത്യു എന്നൊരാളും അറസ്റ്റിലായവരുടെ കൂട്ടത്തിലുണ്ടെന്ന് ചില മാധ്യമങ്ങള്‍ റിപ്പോര്‍ട്ട് ചെയ്യുന്നു. വിക്ടറി പരേഡിന്റെ ഇവന്റ് മാനേജര്‍ ആയിരുന്നു ഇയാളെന്നാണ് വിവരം. ആര്‍സിബി, ഇവന്റ് മാനേജ്‌മെന്റ് ഗ്രൂപ്പ്, കര്‍ണാടക ക്രിക്കറ്റ് അസോസിയേഷന്‍ എന്നിവര്‍ക്കെതിരെ എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്.
