സംസ്ഥാനത്ത് ജനസംഖ്യ കുറയുന്നതിന്റെ പ്രധാന കാരണങ്ങള്‍ ഇവയാണ്

കേരളത്തില്‍ ജനനിരക്ക് കുത്തനെ കുറയുന്നതായി കണക്കുകള്‍. സര്‍ക്കാരിന്റെ കണക്കുകള്‍ പ്രകാരം 2011ല്‍ സംസ്ഥാനത്തെ ജനനനിരക്ക് 560268 ആണ്. ഇത് 2021ലെത്തിയപ്പോള്‍ 419767 ആയി കുറഞ്ഞു. 25.077 ശതമാനത്തിന്റെ കുറവാണ് കാണുന്നത്. ഇതില്‍ ഏറ്റവും കുറവ് ജനനനിരക്ക് എറണാകുളം ജില്ലയിലാണ്. 46ശതമാനത്തിന്റെ കുറവാണ് ഇവിടെ രേഖപ്പെടുത്തിയത്. തിരുവനന്തപുരത്ത് 37 ശതമാനത്തിന്റെ കുറവും രേഖപ്പെടുത്തി. 

മാറിയ ജീവിത സാഹചര്യങ്ങളും കാഴ്ചപ്പാടുകളുമാണ് ജനന നിരക്ക് കുറയാന്‍ കാരണമായതെന്നാണ് വിലയിരുത്തല്‍. കൂടാതെ പലരും രണ്ടാമതൊരു കുട്ടിയെ കുറിച്ച് ചിന്തിക്കുന്നില്ല. വിദേശ പഠനത്തിലൂടെ മൈഗ്രേഷനും ഇപ്പോള്‍ സാധാരണയായിട്ടുണ്ട്. വിവാഹ ശേഷം വൈകി കുട്ടികള്‍ മതിയെന്ന അഭിപ്രായക്കാരാണ് ചിലര്‍.