ഏറ്റവും ഒടുവിലായി പുറത്തുവന്ന രജനികാന്ത് ചിത്രങ്ങള്‍ - പേട്ട, 2.0 എന്നിവ - വമ്പന്‍ ഹിറ്റുകളായി. ഈ അറുപത്തെട്ടാം വയസിലും രജനികാന്തിന്‍റെ ഫിറ്റ്നസ് ആണ് ആ സിനിമകളിലൂടെ പ്രേക്ഷകര്‍ കൂടുതല്‍ ശ്രദ്ധിച്ചത്. ആ എനര്‍ജി വേറെ ലെവലാണെന്ന് എല്ലാവരും ഒന്നടങ്കം പറഞ്ഞു.
എന്താണ് രജനിയുടെ ഫിറ്റ്നസ് രഹസ്യം? കഴിഞ്ഞ ദിവസം രജനികാന്തിനെ സന്ദര്‍ശിച്ച വെട്രി തിയേറ്റര്‍ ഉടമ രാകേഷ് ഗൌതമന്‍ ഈ ചോദ്യം രജനിയോട് ചോദിച്ചത്രേ. യോഗ ഒരു പ്രധാനപ്പെട്ട കാര്യമാണെന്ന് രജനി വെളിപ്പെടുത്തി.
അതിനുപുറമേ നീന്തല്‍ കൂടി രജനി ചെയ്യാറുണ്ടത്രേ. നിരന്തരം നീന്തുന്നത് ശരീരത്തിന്‍റെ ആരോഗ്യവും സൌന്ദര്യവും നിലനിര്‍ത്താന്‍ സഹായിക്കുന്നു.
എ ആര്‍ മുരുഗദോസ് സംവിധാനം ചെയ്യുന്ന ത്രില്ലറാണ് രജനികാന്തിന്‍റെ അടുത്ത സിനിമ. സന്തോഷ് ശിവന്‍ ക്യാമറ ചലിപ്പിക്കുന്ന സിനിമയുടെ സംഗീതം അനിരുദ്ധ് ആണ്. നയന്‍‌താര ആയിരിക്കും നായിക.