നന്നായി മദ്യപിക്കുന്നവർക്ക് പെട്ടെന്ന് പ്രായമേറും

അമിതമായി മദ്യപിക്കുന്നവർക്ക് മറ്റുള്ളവരേക്കാൾ വേഗം പ്രായമാകുമെന്ന് പുതിയ പഠനം. ആഴ്ചയിൽ അഞ്ച് ഗ്ലാസിൽ കൂടുതൽ വൈൻ കഴിക്കുന്നവരുടെ ജൈവ ഘടികാരം മറ്റുള്ളവരേക്കാൾ വേഗത്തിലാകുമെന്നാണ് ഓക്സ്ഫോർഡ് സർവകലാശാലയിലെ പഠനസംഘം കണ്ടെത്തിയിരിക്കുന്നത്. അമിതമായി മദ്യപിക്കുന്നവരുടെ ബയോളജിക്കൽ ഏജ് മറ്റുള്ളവരേക്കാൾ 6 വയസോളം കൂടുതലാകാമെന്നാണ് ഗവേഷണത്തിലെ കണ്ടെത്തൽ.

മോളിക്യുലാർ സൈക്യാട്രി ജേർണലിലാണ് ഡോ അന്യ ടോപിവാലയുടെ നേതൃത്വത്തിലുള്ളെ സംഘം നടത്തിയ ഗവേഷണത്തെ പറ്റിയുള്ള വിവരങ്ങളുള്ളത്. വാർധക്യജനകമായ അസുഖങ്ങളും അൽഷിമേഴ്സ് രോഗവും ഇവരിൽ വരാൻ സാധ്യത കൂടുതലാണെന്നും പഠനത്തിൽ പറയുന്നു.