ഗർഭകാലത്തെ പ്രധാനമായി മൂന്ന് ഘട്ടമായി വേർതിരിച്ചിട്ടുണ്ട്. അതിൽ ആദ്യത്തെ 12 ആഴ്ച്ചയാണ് (മൂന്നുമാസം) ഒന്നാം ഘട്ടം. 13 മുതല്‍ 25 ആഴ്ച്ച വരെ (നാലു മുതല്‍ ആറ് മാസം വരെ) രണ്ടാം ഘട്ടവും 26 മുതല്‍ 40 ആഴ്ച്ച വരെ (ഏഴാം മാസം മുതല്‍ പ്രസവം വരെ) മൂന്നാം ഘട്ടവുമായാണ് തിരിച്ചിരിക്കുന്നത്. ഇതില്‍ ഒന്നാമത്തെ ഘട്ടത്തിലാണു കൂടുതല്‍ ജാഗ്രത പുലര്‍ത്തേണ്ടത്.
ഹൃദയം, തലച്ചോർ തുടങ്ങിയ ഓരോ അവയവങ്ങളും ഉടലെടുക്കുന്ന സമയമാണ് ഗർഭത്തിന്റെ ആദ്യം നാളുകൾ ഉണ്ടാകുന്ന സമയമാണ്. ആ സമയത്തു ഗര്‍ഭിണി ഉപയോഗിക്കുന്ന മരുന്നുകള്‍, ഭക്ഷണം, ഗര്‍ഭിണിയുടെ ശ്വാസത്തിലൂടെ പോലും എത്തുന്ന കാര്യങ്ങള്‍ എന്നിവ കുട്ടിയെ ബാധിക്കും.
