ഭംഗിയുള്ള കുപ്പി ലോഷന്‍ അല്ലെങ്കില്‍ ഫാന്‍സി ഫേസ് വാഷ് നിങ്ങളുടെ കുഞ്ഞിന് ഉപയോഗിക്കാന്‍ നിങ്ങളെ പ്രലോഭിപ്പിച്ചേക്കാം, പക്ഷേ എല്ലാ ഉല്‍പ്പന്നങ്ങളും കുഞ്ഞിന്റെ മൃദുവായ ചര്‍മ്മം മനസ്സില്‍ വെച്ചുകൊണ്ടല്ല നിര്‍മ്മിച്ചിരിക്കുന്നത്. ഇത്തരത്തിലുള്ള ചില വസ്തുക്കള്‍ കുഞ്ഞുങ്ങളില്‍ പല പ്രശ്‌നങ്ങളും ഉണ്ടാക്കാം. ടാല്‍ക്കം പൗഡര്‍, ഇത് സില്‍ക്ക് പോലെയും ഫ്രഷ് ആയും തോന്നിയേക്കാം, പക്ഷേ ടാല്‍ക്കം പൗഡറില്‍ കുട്ടികള്‍ക്ക് എളുപ്പത്തില്‍ ശ്വസിക്കാന്‍ കഴിയുന്ന ചെറിയ കണികകള്‍ അടങ്ങിയിട്ടുണ്ട്.
ഈ കണികകള്‍ ശ്വാസകോശത്തില്‍ അടിഞ്ഞുകൂടുകയും കുട്ടികളില്‍ ദീര്‍ഘകാല ശ്വസന അപകടസാധ്യതകള്‍ ഉണ്ടാക്കുകയും ചെയ്യും. ആന്റിബാക്ടീരിയല്‍ സോപ്പുകള്‍, പ്രത്യേകിച്ച് ജലദോഷത്തിന്റെയും പനിയുടെയും സമയത്ത് നല്ല ആശയമായി തോന്നുമെങ്കിലും, ഈ സോപ്പുകള്‍ ചര്‍മ്മത്തിന്റെ സ്വാഭാവിക സൂക്ഷ്മജീവികളെ തടസ്സപ്പെടുത്തും. നമ്മുടെ ചര്‍മ്മത്തില്‍ ദോഷകരമായ ബാക്ടീരിയകളെ തടയാന്‍ സഹായിക്കുന്ന നല്ല ബാക്ടീരിയകളുണ്ട്, ആന്റി ബാക്ടീരിയല്‍ ഉല്‍പ്പന്നങ്ങള്‍ അമിതമായി ഉപയോഗിക്കുന്നത് ഈ സന്തുലിതാവസ്ഥയെ തകിടം മറിക്കും, ഇത് ചര്‍മ്മം വരണ്ടതാകാനും അണുബാധകള്‍ക്കുള്ള സാധ്യത വര്‍ദ്ധിപ്പിക്കുകയും ചെയ്യുന്നു.
സിന്തറ്റിക് സുഗന്ധദ്രവ്യങ്ങള്‍ ഒരു ഉല്‍പ്പന്നത്തിന്റെ ഗന്ധം ആകര്‍ഷകമാക്കിയേക്കാം, പക്ഷേ കുട്ടികളില്‍ അലര്‍ജി പ്രതിപ്രവര്‍ത്തനങ്ങള്‍ക്കും കോണ്‍ടാക്റ്റ് ഡെര്‍മറ്റൈറ്റിസിനും പിന്നിലെ പ്രധാന കാരണങ്ങളിള്‍ ഒന്നാണ് അവ. കഴിവതും ഇത്തരം വസ്തുക്കള്‍ കുട്ടികളില്‍ ഉപയോഗിക്കാതിരിക്കുന്നതാണ് നല്ലത്.
