ലോകത്തെ ഭീതിയിലാഴ്ത്തി കൊറോണ വൈറസ് അതിന്റെ തേരോട്ടം തുടരുകയാണ്. രാജ്യം അതിനെ പ്രതിരോധിക്കാനുള്ള എല്ലാ ശ്രമങ്ങളിലുമാണ്. ജനുവരി 30നാണ് ഇന്ത്യയിൽ ആദ്യ കൊറോണ കേസ് രജിസ്റ്റ്ർ ചെയ്തത്. ഇത് ഇപ്പോൾ 1000 കടന്നിരിക്കുകയാണ്. കേരളത്തിലായിരുന്നു ആദ്യ കേസ്. സൂഷ്മവും കൃത്യവുമായ പ്രയത്നത്തിലൂടെ ആദ്യ മൂന്ന് രോഗികളേയും ഡിസ്ചാർജ് ചെയ്യാൻ കേരള സർക്കാരിനു സാധിച്ചു.
ഫെബ്രുവരി 15നാണ് പിന്നീട് ഇന്ത്യയിൽ കൊറോണരോഗിയെ സ്ഥിരീകരിക്കുന്നത്. കേരളത്തിനു പുറമേ പ്രധാന നഗരങ്ങളായ ബംഗളൂർ, ഡെൽഹി, പൂനെ എന്നിവടങ്ങളിലും രോഗം സ്ഥിരീകരിച്ചു. നിലവിൽ 27 സംസ്ഥാനങ്ങളിൽ കൊറോണ സ്ഥിരീകരിച്ചിട്ടുണ്ട്. യൂണിയൻ മിനിസ്റ്ററി ഓഫ് ഹെൽത്ത് ആൻഡ് സോഴ്സസിന്റെ അടിസ്ഥാനത്തിൽ തയ്യാറാക്കിയ റിപ്പോർട്ടിൽ 1071 കേസുകളാണ് ഇതുവരെ ഇന്ത്യയിൽ സ്ഥിരീകരിച്ചത്.
മഹാരാഷ്ട്ര: 215 (3 വിദേശികൾ ഉൾപ്പെടെ)
കേരളം: 202 (8 വിദേശികൾ ഉൾപ്പെടെ)
കർണാടക: 83
ഉത്തർപ്രദേശ്: 75 (1 വിദേശി ഉൾപ്പെടെ)
