എഡ്വാര്‍ഡോ വര്‍ഗാസ്, അലക്‌സിസ് സാഞ്ചസ് എന്നിവരാണ് ബ്രസീലിനെതിരെ ചിലിക്ക് വിജയമൊരുക്കിയ ഗോളുകള്‍ മെനഞ്ഞത്. അതേസമയം, സ്വന്തം നാട്ടുകാരുടെ മുന്നില്‍ മെസിയില്ലാതെ ഇറങ്ങിയ അര്‍ജന്റീന നാണം കെടുകയായിരുന്നു. ഫ്രിക്ക്സണ്‍ ഇറാസോ, ഫെലിപെ കാല്‍സെഡോ എന്നിവരാണ് അര്‍ജന്റീനയ്ക്കെതിരെ ഇക്വഡോറിന്റെ ഗോളുകള്‍ നേടിയത്.
കോപ്പ അമേരിക്കയില്‍ നെയ്‌മര്‍ക്ക് നാലു കളികളില്‍ സസ്‌പെന്‍ഷന്‍ ലഭിച്ചിരുന്നതിനാല്‍ ആണ് ബ്രസീലിനായി നെയ്‌മര്‍ ഇറങ്ങാതെ ഇരുന്നത്. എന്നാല്‍ ബാഴ്‌സലോണയ്ക്കു വേണ്ടി കളിക്കുമ്പോള്‍ സംഭവിച്ച പരിക്ക് കാരണമാണ് മെസിക്ക് വിനയായത്. കൂടാതെ മെസിയുടെ അഭാവത്തില്‍ കളിയുടെ നിയന്ത്രണം ഏറ്റെടുക്കേണ്ട സെര്‍ജി അഗ്യൂറോയ്‌ക്ക് മത്സരത്തിനിടെ ഗുരുതര പരുക്കേറ്റതും അര്‍ജന്റീനയ്‌ക്ക് തിരിച്ചടിയായി.
