മെസ്സിയും റൊണാൾഡോയും ഇന്ന് നേർക്കുനേർ, പിഎസ്ജിയെ നേരിടാൻ സൗദി ഓൾ സ്റ്റാർ, മത്സരം എവിടെ കാണാം

വ്യാഴം, 19 ജനുവരി 2023 (14:06 IST)
ഫുട്ബോൾ ലോകം കാത്തിരിക്കുന്ന മെസ്സി- ക്രിസ്റ്റ്യാനോ നേർക്കുനേർ പോരാട്ടം ഇന്ന്. പിഎസ്ജിയുടെ സൗഹൃദമത്സരത്തിൽ സൗദി ഓൾസ്റ്റാർ ടീമിനെ നേരിടൂം. രാത്രി പത്തരയ്ക്കാണ് മത്സരം. ലാ ലിഗയെയും ചാമ്പ്യൻസ് ലീഫിനെയും ചൂട് പിടിപ്പിച്ച എൽ ക്ലാസിക്കോ ദിനങ്ങളുടെ ഓർമ പുതുക്കി സൂപ്പർ താരങ്ങൾ വീണ്ടും ഏറ്റുമുട്ടുമ്പോൾ ലോകമെങ്ങുമുള്ള ഫുട്ബോൾ പ്രേമികൾ ആകാംക്ഷയോടെയാണ് കാത്തിരിക്കുന്നത്.
 
1700 കോടിയിലേറെ രൂപ വാർഷിക കരാറിൽ സൗദിയിലെത്തിയ റോണോ ആദ്യമായി സൗദിയിൽ കളിക്കുന്ന മത്സരമാണിത്. അൽ നസ്റിനായി ഈ മാസം 22 മുതലാകും താരം പന്ത് തട്ടുക. അതേസമയം എംബപ്പെ, നെയ്മർ,റാമോസ്,ഹക്കിമി തുടങ്ങിയ വമ്പൻ താരങ്ങൾ മെസ്സിക്കൊപ്പം പിഎസ്ജിയിലുണ്ട്. മത്സരം ഇന്ത്യൻ സമയം 10:30നാണ് തുടങ്ങുക. ആരാധകർ കാത്തിരിക്കുന്ന മത്സരമാണെങ്കിലും കളി ഇന്ത്യയിൽ സംപ്രേക്ഷണം ചെയ്യുന്നില്ല.
 
ആരാധകർക്ക് പിഎസ്ജിയുടെ ഔദ്യോഗിക സൈറ്റിൽ നിന്നും മത്സരം കാണാവുന്നതാണ്. മിഡിൽ ഈസ്റ്റിൽ നിന്നുള്ളവർക്ക് ബിയിൻ സ്പോർട്സിൽ മത്സരം കാണാം. സൗദി ലീഗിലെ പ്രമുഖ താരങ്ങൾ അണിനിരക്കുന്ന സൗദി ഓൾ സ്റ്റാർ ഇലവനെ റൊണാൾഡോയാകും നയിക്കുക. അതേസമയം പ്രമുഖ താരങ്ങളുണ്ടെങ്കിലും കഴിഞ്ഞമത്സരങ്ങളിൽ ഫ്രഞ്ച് ലീഗിൽ പിഎസ്ജി തോൽവി ഏറ്റുവാങ്ങിയിരുന്നു.
 
2020 ചാമ്പ്യൻസ് ലീഗിലാണ് അവസാനമായി മെസ്സിയും റൊണാൾഡോയും നേർക്കുനേർ വന്നത്. അന്ന് റൊണാൾഡോയുടെ യുവൻ്റസ് മെസ്സിയുടെ ബാഴ്സയെ 3-0ന് പരാജയപ്പെടുത്തിയിരുന്നു. മെസ്സിയും റൊണാൾഡോയും നേർക്കുനേർ വന്ന മത്സരങ്ങളിൽ 16 എണ്ണത്തിൽ മെസ്സിയുടെ ടീമും 11 എണ്ണത്തിൽ റൊണാൾഡോയുടെ ടീമുമാണ് വിജയിച്ചത്.
 

വെബ്ദുനിയ വായിക്കുക

അനുബന്ധ വാര്‍ത്തകള്‍