സന്തോഷ് ട്രോഫി ദക്ഷിണ മേഖലാ യോഗ്യത ടൂര്‍ണമെന്റില്‍ ആന്ധ്രപ്രദേശിനെതിരെ കേരളത്തിന് തകര്‍പ്പന്‍ വിജയം. മലപ്പുറം മഞ്ചേരിയിലെ പൈയ്യനാട് സ്റ്റേഡിയത്തില്‍ നടന്ന ആദ്യ മ‍ത്സരത്തില്‍ കേരളം എതിരില്ലാത്ത ആറ് ഗോളുകള്‍ക്കാണ് ആന്ധ്രാപ്രദേശിനെ തകര്‍ത്തത്.
കേരളത്തിനു വേണ്ടി വി പി സുഹൈര്‍ മൂന്ന് ഗോളുകള്‍ നേടി . 41, 45, 90 മിനിട്ടുകളിലാണ് സുഹൈറിന്റെ ഗോളുകള്‍ പിറന്നത്. ഇതുകൂടാതെ എസ്ബിടി താരം എം ഷൈജുമോന്‍ രണ്ടു ഗോളുകളും വി കെ ഷിബിന്‍ലാല്‍ ഒരു ഗോളും നേടി.
കേരളത്തിന്റെ അടുത്ത മത്സരം 19നു കര്‍ണാടകത്തിനെതിരെയാണ്. ജയത്തോടെ എ ഗ്രൂപ്പില്‍ മൂന്ന് പോയിന്റുകളാണ് കേരളത്തിന് ലഭിച്ചത്. ബി ഗ്രൂപ്പിലെ ആദ്യ കളിയില്‍ ഇന്നു സര്‍വീസസും പുതുച്ചേരിയും ഏറ്റുമുട്ടും.