യൂറോ കപ്പിലെ ഗ്രൂപ്പ് ഘട്ട മത്സരത്തില്‍ ക്രിസ്റ്റ്യാനോ റൊണാള്‍ഡോയുടെ പോര്‍ച്ചുഗലിനെ തോല്‍പ്പിച്ച് ജോര്‍ജിയ. എതിരില്ലാത്ത രണ്ട് ഗോളിനാണ് ജോര്‍ജിയയുടെ ചരിത്രജയം. ക്വാരത്സ്‌ഖെലി, മിക്കോട്ടഡ്‌സെ എന്നിവരാണ് ജോര്‍ജിയയ്ക്കായി ഗോള്‍ സ്‌കോര്‍ ചെയ്തത്. റൊണാള്‍ഡോ ജോര്‍ജിയയില്‍ ഉദ്ഘാടനം ചെയ്ത ഫുട്‌ബോള്‍ അക്കാദമിയിലൂടെ വളര്‍ന്ന താരമാണ് ക്വാരത്സ്‌ഖെലി. മാത്രമല്ല റൊണാള്‍ഡോയുടെ കളിയില്‍ ആകൃഷ്ടരായി ഫുട്‌ബോളിലേക്ക് എത്തിയവരാണ് ജോര്‍ജിയയിലെ മിക്ക താരങ്ങളും.
