ജൂൺ 22നാണ് വിജയ്‌ക്ക് 47 വയസ്സ് തികയുന്നത്. കൊറോണ വൈറസിന്റെ രണ്ടാം തരംഗം രാജ്യത്തെ സ്‌തംഭിപ്പിക്കുന്നതിനുമുമ്പ് ഈ വർഷം മാർച്ചിൽ വിജയ്‌യുടെ കരിയറിലെ അറുപത്തഞ്ചാം ചിത്രത്തിന്‍റെ ഷൂട്ടിംഗ് ആരംഭിക്കുകയായിരുന്നു. ഏപ്രിലിൽ വിജയും നെൽസണും ജോർജിയയിലേക്ക് പുറപ്പെട്ടു, അവിടെ ഷൂട്ടിംഗ് ആരംഭിച്ചു.
ആദ്യ ഷൂട്ടിംഗ് ഷെഡ്യൂളിൽ വിജയ്‌യുടെ ഇന്‍‌ട്രൊ രംഗവും ഒരു ആക്ഷൻ രംഗവും ചിത്രീകരിച്ചു. ജോർജിയയിൽ ഷൂട്ടിംഗ് 20 ദിവസത്തോളം നീണ്ടുനിന്നു. തുടർന്ന് അഭിനേതാക്കളും അണിയറപ്രവർത്തകരും ഇന്ത്യയിലേക്ക് മടങ്ങി. തമിഴ്‌നാട് സർക്കാർ ഏർപ്പെടുത്തിയ കോവിഡ് നിയന്ത്രണങ്ങൾ കാരണം ബീസ്റ്റിന്‍റെ നിർമ്മാണം തുടരാനായില്ല. വരുന്ന പൊങ്കൽ റിലീസായാണ് ബീസ്റ്റ് ഒരുങ്ങുന്നത്. എന്നാല്‍ കൊവിഡ് ഈ സിനിമയുടെ റിലീസിനെയും ബാധിക്കാനാണ് സാധ്യത.
പൂജ ഹെഗ്‌ഡെയാണ് ബീസ്റ്റിലെ നായിക. സൺ പിക്ചേഴ്സിനൊപ്പമുള്ള വിജയുടെ നാലാമത്തെ ചിത്രമാണ് ബീസ്റ്റ്. വേട്ടൈക്കാരൻ, സുറ, സർക്കാർ എന്നിവയാണ് സണ്‍ പിക്ചേഴ്സ് നിര്‍മ്മിച്ച വിജയ് ചിത്രങ്ങള്‍.
