എന്നാല്‍ ആ ചിത്രത്തെയും കടത്തിവെട്ടുന്ന സാറ്റലൈറ്റ് അവകാശത്തുകയാണ് ‘ഒരു കുട്ടനാടന്‍ ബ്ലോഗ്’ എന്ന പുതിയ മമ്മൂട്ടിച്ചിത്രത്തിന് ലഭിച്ചിരിക്കുന്നത്. സേതു സംവിധാനം ചെയ്യുന്ന ഈ കോമഡി ത്രില്ലര്‍ വന്‍ തുകയ്ക്ക് സൂര്യ ടിവിയാണ് സ്വന്തമാക്കിയിരിക്കുന്നത്. മമ്മൂട്ടിയുടെ കരിയറിലെ ഏറ്റവും വലിയ സാറ്റലൈറ്റ് റേറ്റ് എന്നല്ലാതെ, കൃത്യമായ തുക എത്രയെന്ന് അണിയറപ്രവര്‍ത്തകരോ സൂര്യ ടിവിയോ പുറത്തുവിട്ടിട്ടില്ല.
ലക്ഷ്മി റായ്, അനു സിതാര, ഷം‌ന കാസിം എന്നിവരാണ് കുട്ടനാടന്‍ ബ്ലോഗില്‍ മമ്മൂട്ടിയുടെ നായികമാരാകുന്നത്. ബ്ലോഗ് എഴുത്തുകാരനായ ഹരി എന്ന കഥാപാത്രത്തെയാണ് മമ്മൂട്ടി ഈ സിനിമയില്‍ അവതരിപ്പിക്കുന്നത്. ഓഗസ്റ്റ് 23ന് ഓണച്ചിത്രമായി ‘ഒരു കുട്ടനാടന്‍ ബ്ലോഗ്’ പ്രദര്‍ശനത്തിനെത്തും.
