‘വണ്‍സ് അപോണ്‍ എ ടൈം ദേര്‍ ലിവ്ഡ് എ ഗോസ്റ്റ്’ എന്നാണ് ലോകേഷ് കനകരാജ് അടുത്തതായി സംവിധാനം ചെയ്യുന്ന ചിത്രത്തിന്‍റെ ആദ്യ പോസ്റ്ററിലെ വാചകം. കമല്‍ഹാസന്‍ നായകനാകുന്ന ഈ ക്രൈം ഡ്രാമ ചിത്രത്തിന്‍റെ പേരിന്‍റെ പ്രഖ്യാപനം ഇന്നുണ്ടായില്ല. പോസ്റ്ററില്‍ #Kamalhaasan232 എന്നാണ് ചിത്രത്തെ പരാമര്‍ശിച്ചിരിക്കുന്നത്.
അതേസമയം, ചിത്രത്തിന്‍റെ പേരിനെ സംബന്ധിച്ച് ചില റിപ്പോര്‍ട്ടുകള്‍ അന്തരീക്ഷത്തില്‍ പാറിക്കളിക്കുന്നുണ്ട്. ‘എവനെന്‍‌ട്ര് നിനൈത്തായ്’ എന്ന് ചിത്രത്തിന് പേരിട്ടു എന്നാണ് ആ റിപ്പോര്‍ട്ടുകളില്‍ പറയുന്നത്. ‘വിശ്വരൂപം’ എന്ന കമല്‍ ചിത്രത്തിലെ ഒരു ഗാനത്തിലെ ഒരു വരിയില്‍ നിന്നാണ് ആ പേര്. എന്നാല്‍ ഇക്കാര്യത്തില്‍ കമലോ ലോകേഷോ സ്ഥിരീകരണം നടത്തിയിട്ടില്ല.
