ഷങ്കര്‍ സംവിധാനം ചെയ്യുന്ന ബ്രഹ്‌മാണ്ഡ ചിത്രം ‘ഇന്ത്യന്‍ 2’ ഉപേക്ഷിക്കാന്‍ നിര്‍മ്മാതാക്കളായ ലൈക പ്രൊഡക്ഷന്‍സ് തീരുമാനിച്ചതായി റിപ്പോര്‍ട്ട്. നായകനായ കമല്‍ഹാസനുമായുള്ള അഭിപ്രായ വ്യത്യാസം കടുത്തതോടെയാണ് ചിത്രം ഉപേക്ഷിക്കാന്‍ ലൈക തീരുമാനിച്ചതെന്നാണ് വിവരം. ഉടന്‍ തന്നെ ലൈക ഇത് ഔദ്യോഗികമായി പുറത്തുവിടുമെന്നും അറിയുന്നു.
ഇന്ത്യന്‍ 2ന്‍റെ ലൊക്കേഷനില്‍ ഇക്കഴിഞ്ഞ ഫെബ്രുവരിയില്‍ ഉണ്ടായ ക്രെയിന്‍ അപകടമാണ് നിര്‍മ്മാതാക്കളും കമല്‍ഹാസനും തമ്മിലുള്ള അഭിപ്രായവ്യത്യാസത്തിന്‍റെ പ്രധാന കാരണം. മാത്രമല്ല, പ്രധാനമന്ത്രി നരേന്ദ്രമോദിക്കെതിരായ കമലിന്‍റെ പരസ്യനിലപാടുകളും ലൈകയെ പ്രകോപിപ്പിച്ചു.
