രജനികാന്തിന്റെ അണ്ണാത്തെ ഹൈദരാബാദ് ഷെഡ്യൂള്‍ അടുത്തിടെയാണ് പൂര്‍ത്തിയായത്. രജനി തന്റെ ഭാഗങ്ങള്‍ പൂര്‍ത്തിയാക്കി ചെന്നൈയിലേക്ക് മടങ്ങിയിരുന്നു. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. നടി ഖുഷ്ബുവിന്റെ ഭാഗങ്ങളുടെ ചിത്രീകരണം ഇനിയും ബാക്കിയാണ്. രാഷ്ട്രീയ തിരക്കിലായതിനാല്‍ നടിക്ക് ചിത്രീകരണ സംഘത്തിനൊപ്പം ചേരാന്‍ ആയില്ല. ഉടന്‍ തന്നെ ചിത്രത്തിലെ തന്റെ ഭാഗങ്ങളുടെ ഷൂട്ടിംഗ് ഖുഷ്ബു പുനരാരംഭിക്കുമെന്നാണ് റിപ്പോര്‍ട്ടുകള്‍.
