മമ്മൂട്ടി മുഖ്യമന്ത്രി കടയ്ക്കല് ചന്ദ്രന്‍ എന്ന കഥാപാത്രമായെത്തുന്ന ‘വണ്‍’ ചിത്രീകരണം പുരോഗമിക്കുകയാണ്. ചിത്രത്തിന്‍റെ ആദ്യലുക്ക് പോസ്റ്റര്‍ പുറത്തുവന്നിരിക്കുന്നു. കടയ്ക്കല് ചന്ദ്രന്‍ കസേരയില്‍ ഇരിക്കുന്ന രീതിയിലുള്ളതാണ് പോസ്റ്റര്‍. കണ്ണട വച്ച് വെള്ള ഷര്‍ട്ടും മുണ്ടും ധരിച്ച് തികഞ്ഞ രാഷ്ട്രീയക്കാരന്‍റെ രൂപഭാവങ്ങളോടെ ഇരിക്കുന്ന മമ്മൂട്ടിയാണ് പോസ്റ്ററിലെ ആകര്‍ഷണം.
ചിത്രത്തില്‍ പ്രതിപക്ഷനേതാവായി മുരളി ഗോപിയും പാര്‍ട്ടി സെക്രട്ടറിയായി ജോജു ജോര്‍ജ്ജും അഭിനയിക്കുന്നു. നിമിഷ സജയന്‍, രഞ്‌ജിത്, ഗായത്രി അരുണ്‍, ബാലചന്ദ്ര മേനോന്‍, സലിം കുമാര്‍, അലന്‍സിയര്‍, മാമുക്കോയ തുടങ്ങിയവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
