“ദൈവത്തെയോര്‍ത്ത് കുടിക്കല്ലേ...” എന്ന് അമ്മച്ചിക്ക് ജോപ്പനോട് പറയേണ്ടിവന്നത് അതുകൊണ്ടാണ്. ജോപ്പന്‍റെ കുടിനിര്‍ത്താന്‍ അയാളെ ഒരിക്കല്‍ ധ്യാനകേന്ദ്രത്തില്‍ കൊണ്ടുചെന്നാക്കി. എന്നാല്‍ പിന്നീട് സംഭവിച്ചത് ആലോചിച്ചാല്‍ ചിരിവരും, ടെന്‍ഷനുമടിക്കും.
നിഷാദ് കോയ മമ്മൂട്ടിയോട് ആദ്യം പറഞ്ഞ കഥ അല്‍പ്പം ഗൌരവമുള്ളതായിരുന്നു. അതുവേണ്ട, മറ്റൊരു കഥ ആലോചിക്കാന്‍ പറഞ്ഞു. അങ്ങനെയാണ് തോപ്പില്‍ ജോപ്പനിലേക്കെത്തുന്നത്. പ്രണയിച്ച പെണ്ണ് ഉപേക്ഷിച്ചുപോയപ്പോള്‍ തികഞ്ഞ മദ്യപാനിയായ ഒരു തനി തോപ്രാംകുടിക്കാരന്‍ അച്ചായന്‍ - അതാണ് തോപ്പില്‍ ജോപ്പന് !
