ഫര്ഹാന് അക്തറാണ് ഡോണ് 2 സംവിധാനം ചെയ്യുന്നത്. സാഹസികമായ ആക്ഷന് രംഗങ്ങളാല് സമ്പന്നമാണ് ഈ സിനിമ. ബെര്ളിനില് വച്ച് ഒരു കാര്ചേസ് രംഗം ചിത്രീകരിക്കുന്നതിനിടെ ഉണ്ടായ അപകടത്തില് വിലകൂടിയ ഒരു മൂവീ ക്യാമറ തകര്ന്നു. എന്നാല് ആര്ക്കും പരുക്കേറ്റില്ല എന്നത് ആശ്വാസമായി.
യൂറോപ്യന് അധോലോകം കീഴടക്കുക എന്നതാണ് ഈ സിനിമയില് ഡോണിന്റെ ലക്ഷ്യം. 11 രാജ്യങ്ങളാണ് ഡോണിനായി വലവീശിയിരിക്കുന്നത്.
അടുത്ത പേജില് -
ചിത്രത്തില് ഹൃത്വിക് റോഷനും
പ്രിയങ്ക ചോപ്രയാണ് ചിത്രത്തിലെ നായിക. ലാറ ദത്ത, കുനാല് കപൂര്, ബൊമന് ഇറാനി, ഓംപുരി തുടങ്ങിയവരും ഈ സിനിമയിലെ താരങ്ങളാണ്. പ്രിയങ്ക ചോപ്രയും ഓംപുരിയും ഒരു ലിഫ്റ്റില് വരുന്നിടത്താണ് ചിത്രം ആരംഭിക്കുന്നത്. താന് പൊലീസില് നിന്ന് രാജിവയ്ക്കുകയാണെന്ന് ഓംപുരി പ്രിയങ്കയോട് വെളിപ്പെടുത്തുന്നു. ലിഫ്റ്റ് തുറക്കുമ്പോള് തൊട്ടു മുന്നില് ഡോണ്!
ഹൃത്വിക് റോഷന് അതിഥി വേഷത്തില് എത്തുന്നു എന്നതും ചിത്രത്തിന്റെ ഹൈലൈറ്റാണ്. ഡിസംബര് 23നാണ് ഡോണ് 2 റിലീസ് ചെയ്യുന്നത്.