ആര്യന്‍, അഭിമന്യു എന്നീ അധോലോക ആക്ഷന്‍ ത്രില്ലറുകള്‍ക്ക് ശേഷം അതേ ശൈലിയിലുള്ള ഒരു സിനിമയ്ക്ക് പ്രിയദര്‍ശന്‍ ഒരുങ്ങുന്നു. മോഹന്‍ലാല്‍ നായകനാകുന്ന ഈ സിനിമ മണിയന്‍‌പിള്ള രാജു ആണ് നിര്‍മ്മിക്കുന്നത്. 30 കോടി രൂപയാണ് ചിത്രത്തിന്‍റെ നിര്‍മ്മാണച്ചെലവ്.
മുംബൈ, കൊല്‍ക്കത്ത തുടങ്ങിയ നഗരങ്ങളായിരിക്കും ഈ സിനിമയുടെ പ്രധാന ലൊക്കേഷന്‍ എന്നാണ് റിപ്പോര്‍ട്ടുകള്‍. കലാസംവിധായകന്‍ സാബു സിറിള്‍ ഈ സിനിമയോട് സഹകരിക്കുന്നുണ്ട്. സന്തോഷ് ശിവനോ കെ വി ആനന്ദോ ഛായാഗ്രഹണം നിര്‍വഹിക്കുമെന്നും റിപ്പോര്‍ട്ടുകള്‍ വരുന്നു.
