മലയാള സിനിമ ഉയരങ്ങളിലൂടെയാണ് കടന്നുപോകുന്നത്. തുടരെ ഹിറ്റുകള്‍ മാത്രമാണ് മോളിവുഡില്‍ പിറക്കുന്നത്. തെന്നിന്ത്യന്‍ സിനിമ ലോകം ഒരുപോലെ ആസ്വദിക്കുന്ന കണ്ടെന്റുകളാണ് വരുന്നതും. വിജയ ചിത്രങ്ങളിലെ പാട്ടുകളും മാസ് ഡയലോഗുകളും സോഷ്യല്‍ മീഡിയയില്‍ നിറയാറുണ്ട്. അതുപോലെ അടുത്തിടെ പണം വാരിക്കുട്ടിയ സിനിമകളില്‍ ടൊയോട്ട ക്വാളീസ് ഉപയോഗിച്ചതും ആരാധകരുടെ ശ്രദ്ധയില്‍പ്പെട്ടിരിക്കുകയാണ്.
ഗിരീഷ് എ ഡി സംവിധാനം ചെയ്ത പ്രമലു എന്ന ചിത്രത്തിലും ഒരു ക്വാളീസ് വന്നു പോകുന്നുണ്ട്. അതില്‍ പച്ച നിറത്തിലുള്ള ക്വാളീസ് ഉപയോഗിച്ചത്.റീനുവും സച്ചിനും ഹൈദരാബാദിലെത്തിയതിന് ശേഷമുള്ള പാട്ടിലെ ഒരു സീനില്‍ മാത്രമാണ് ഈ ക്വാളീസ് വന്നുപോകുന്നത്. റീനു കൂട്ടുക്കാരുടെ കൂടെ നടക്കുമ്പോള്‍ എതിര്‍വശത്ത് നിന്ന് പച്ച ക്വാളീസ് പിന്നില്‍ നിന്ന് തള്ളിക്കൊണ്ട് വരുന്ന സച്ചിനെയും അമല്‍ ഡേവിസിനേയും കാണാം.
