10 വര്‍ഷങ്ങള്‍ക്ക് ശേഷം 'വിക്രമാദിത്യന്‍ 2', ഉടനെ ഉണ്ടാകുമോ? ദുല്‍ഖറിന്റെ മറുപടിക്കായി ലാല്‍ ജോസ്, പ്രതീക്ഷയോടെ ആരാധകര്‍
'ഉടനെ ഉണ്ടാകുമോ എന്ന് ചോദിച്ചാല്‍ എനിക്കറിയില്ല. പക്ഷേ അങ്ങനെ ഒരു പ്രോജക്ട് ഉണ്ട്. ഞങ്ങള്‍ അത് ആഗ്രഹിക്കുന്നുണ്ട്. അതിന്റെ കഥയുടെ ഏകദേശം ഐഡിയ ഒക്കെ ആയിട്ടുണ്ട്. ഉണ്ണി മുകുന്ദനോട് സൂചിപ്പിച്ചിട്ടുണ്ട്. ദുല്‍ഖറിനോടും സൂചിപ്പിച്ചിട്ടുണ്ട്. ദുല്‍ഖര്‍ ആയിട്ട് ഇനിയൊരു സിറ്റിങ് ഉണ്ട്. കഥ വിശദമായി പറയണം. അദ്ദേഹം അത് ഓക്കേ പറഞ്ഞാല്‍ ആ പ്രോജക്ട് ഓണ്‍ ആകും' ലാല്‍ജോസ് പറഞ്ഞു.
തിരക്കഥാകൃത്ത് ഇഖ്ബാല്‍ കുറ്റിപ്പുറം ലാല്‍ജോസ് കൂട്ടുകെട്ടില്‍ 2014-ല്‍ പുറത്തിറങ്ങിയ ചിത്രമാണ് 'വിക്രമാദിത്യന്‍'.ദുല്‍ഖര്‍ സല്‍മാന്‍, ഉണ്ണി മുകുന്ദന്‍, നമിത പ്രമോദ് എന്നിവര്‍ പ്രധാന വേഷങ്ങളില്‍ ചിത്രത്തില്‍ നിവിന്‍ പോളിയും അതിഥി വേഷത്തില്‍ എത്തിയിരുന്നു.
