ഒരു പുതുമുഖ സംവിധായകന്റെ സിനിമയില്‍ ദുല്‍ഖര്‍ നായകനായേക്കും. കണ്ണും കണ്ണും കൊള്ളയടിത്താല്‍ എന്ന സിനിമക്കുശേഷം മറ്റൊരു തമിഴ് ചിത്രം കൂടി ദുല്‍ഖറിനുണ്ട്. അതിനിടയിലാണ് പുതിയ ചിത്തത്തിന്റെ ഷൂട്ടിംഗ് നടക്കുക. ജൂലൈയില്‍ ഒന്നര മാസം ഒരു മലയാള സിനിമയ്ക്കു വേണ്ടി ദുല്‍ഖര്‍ മാറ്റിവയ്ക്കുക. ഇതു മാത്രമായിരിക്കും ദുല്‍ഖറിന്റെ ഈ വര്‍ഷത്തെ മലയാള സിനിമ. അതും ക്രിസ്മസ് റിലീസ്.
തെലുങ്കു ചിത്രമായ ‘മഹാനടി’ യാണു ദുല്‍ഖര്‍ ഉടന്‍ പൂര്‍ത്തിയാക്കുന്ന സിനിമ. ഹിന്ദിയില്‍ ‘കാര്‍വാന്‍’ എന്ന സിനിമ പൂര്‍ത്തിയായിക്കഴിഞ്ഞു. ഈ സിനിമയുടെ സെറ്റില്‍വച്ചു രണ്ടാമത്തെ ഹിന്ദിപ്പടത്തിനും ദുല്‍ഖര്‍ കരാര്‍ ഒപ്പുവച്ചു. സോനം കപൂര്‍ നായികയാകുന്ന ദ് സോയ ഫാക്റ്റര്‍ എന്ന സിനിമ ജൂലൈയില്‍ ചിത്രീകരണം തുടങ്ങും.
