ധ്രുവനച്ചത്തിരവും വിനായകന്‍ തന്റേതാക്കി മാറ്റി,ഫൈനല്‍ കട്ട് കണ്ടശേഷം സംവിധായകന്‍ ലിങ്കുസാമി

ജയിലറിന് ശേഷം വിനായകന്റെ മികച്ചൊരു സിനിമയ്ക്കായി കാത്തിരിക്കുന്നവര്‍ക്ക് ധ്രുവനച്ചത്തിരം നിരാശപ്പെടുത്തില്ല. നവംബര്‍ 24ന് പ്രദര്‍ശനത്തിന് എത്താന്‍ ഇരിക്കുന്ന വിക്രം ചിത്രത്തില്‍ മികച്ച പ്രകടനമാണ് വിനായകന്‍ കാഴ്ചവച്ചിരിക്കുന്നത്.തന്റെ പെര്‍ഫോമന്‍സ് കൊണ്ട് വിനായകന്‍ സിനിമ തന്റേതാക്കി മാറ്റിയെന്ന് ധ്രുവനച്ചത്തിരം ഫൈനല്‍ എഡിറ്റ് കണ്ട ശേഷം സംവിധായകന്‍ ലിങ്കുസാമി പറഞ്ഞു.

മുംബൈയില്‍ വച്ചാണ് ധ്രുവനച്ചത്തിരത്തിന്റെ ഫൈനല്‍ കട്ട് കണ്ടതെന്നും സിനിമ വളരെ ഗംഭീരമായിട്ടുണ്ടെന്നും സംവിധായകന്‍ ഗൗതം മേനോന് ആശംസകള്‍ നേര്‍ന്നുകൊണ്ട് ലിങ്കുസാമിഎക്‌സ് പ്ലാറ്റ്‌ഫോമില്‍ എഴുതി.

<

Happened to see the final cut of #DhruvaNatchathiram in mumbai & it was just fantastic. well made, visuals on par with the best.@chiyaan was so cool & #vinayakan stole everything in the movie. huge cast & everyone were brilliant. @menongautham congrats brother, u along with…

— Lingusamy (@dirlingusamy) November 21, 2023 >

വിക്രമോ, ചിത്രത്തിന്റെ മറ്റ് അണിയറക്കാരോ സിനിമയുടെ പ്രമോഷന് വേണ്ടി ഇറങ്ങിയിട്ടില്ലെന്നാണ് സിനിമ ലോകത്തെ ഞെട്ടിക്കുന്നത്.ചിത്രം വീണ്ടും പ്രതിസന്ധിയിലായി എന്നാണ് അതിനിടെ പ്രചരിക്കുന്നത്. വിക്രം ഉള്‍പ്പെടെയുള്ള താരങ്ങള്‍ ഇതുവരെയും അഭിമുഖങ്ങളില്‍ പങ്കെടുക്കുകയോ പ്രമോഷന്‍ നടത്തുകയോ ചെയ്തിട്ടില്ല. സംവിധായകന്‍ ഗൗതം മേനോന്‍ സ്വന്തം പ്രൊഡക്ഷന്‍ കമ്പനിയുടെ യൂട്യൂബ് ചാനലില്‍ ദിവ്യദര്‍ശനിക്ക് ഒരു അഭിമുഖം നല്‍കിയിരുന്നു. 

ഇത്തവണയും സിനിമയുടെ റിലീസ് മാറ്റിവെക്കും എന്നാണ് കോളിവുഡില്‍ നിന്ന് ലഭിക്കുന്ന വിവരം.സാമ്പത്തിക പ്രശ്നങ്ങള്‍ കാരണം ധ്രുവനച്ചത്തിരം വീണ്ടും മാറ്റിവച്ചേക്കാം എന്നാണ് തമിഴ്‌നാട്ടിലെ മാധ്യമങ്ങള്‍ റിപ്പോര്‍ട്ട് ചെയ്യുന്നത്.