2017ലെ മികച്ച ഇന്ത്യൻ സിനിമകളുടെ പട്ടികയിൽ മലയാളത്തിൽ നിന്നും ഒരേയൊരു ചിത്രം. മെഗാസ്റ്റാർ നായകനായ ഗ്രേറ്റ്ഫാദർ ആണ് ആ മലയാള ചിത്രം. പ്രമുഖ ഓണ്‍ലൈന്‍ മൂവി റേറ്റിംഗ് വെബ്‌സൈറ്റായ ഇന്റര്‍നെറ്റ് മൂവി ഡേറ്റാബെയ്‌സ് (ഐഎംബിഡി) പുറത്തുവിട്ട പട്ടികയിലാണ് ഗ്രേറ്റ് ഫാദർ ഇടംപിടിച്ചത്.
പ്രേക്ഷകരുടെ റേറ്റിംഗിന്റെയും റിവ്യുകളുടെയും അടിസ്ഥാനത്തിലാണ് പട്ടിക തയാറാക്കിയിരിക്കുന്നത്. മലയാളത്തില്‍നിന്ന് മമ്മൂട്ടി ചിത്രം ദ് ഗ്രേറ്റ്ഫാദർ പത്താമതായി ആണ് ഇടം നേടിയിരിക്കുന്നത്. തമിഴില്‍നിന്ന് രണ്ട് സിനിമകളും പട്ടികയില്‍നിന്ന് ഇടം നേടിയിട്ടുണ്ട്. മാധവന്‍, വിജയ്‌സേതുപതി ചിത്രം വിക്രം വേദയും, വിജയ് ചിത്രം മെര്‍സലുമാണ് തമിഴില്‍നിന്നുള്ള ചിത്രങ്ങള്‍. വിക്രംവേദയാണ് പട്ടികയില്‍ ഒന്നാം സ്ഥാനത്ത്. ഒമ്പതാം സ്ഥാനത്താണ് മെര്‍സല്‍.