സുരേഷ് ഗോപിയുടെ മകളുടെ വിവാഹത്തിന്റെ വിശേഷങ്ങളും ചിത്രങ്ങളും വീഡിയോകളും എല്ലാം വൈറലായിലായിരുന്നു. എന്നാല്‍ മാധ്യമങ്ങള്‍ക്കടക്കം ഒരാളെ തിരിച്ചറിയാന്‍ സാധിച്ചില്ല. താന്‍ വിവാഹത്തില്‍ പങ്കെടുക്കാന്‍ പോയപ്പോള്‍ കണ്ട മനോഹരമായ ഒരു കാഴ്ചയെ കുറിച്ച് ടിനി ടോം സോഷ്യല്‍മീഡിയയില്‍ പങ്കിട്ട ഒരു കുറിപ്പാണ് ഇപ്പോള്‍ വൈറലാകുന്നത്. ടിനി ടോമിന്റെ കുറിപ്പ് ഇങ്ങനെ
'ഈ അച്ഛനെ ഓര്‍മ്മയുണ്ടോ... ഉണ്ടാവില്ല കാരണം നമ്മള്‍ മറക്കാന്‍ മിടുക്കരാണല്ലോ... കൃത്യം എട്ട് മാസം മുമ്പ് നമുക്ക് ഒരു മകളെ നഷ്ടപ്പെട്ടു... ഡോ. വന്ദന ദാസ് ആ കുഞ്ഞിന്റെ അച്ഛനാണ് ഇത്. ഇദ്ദേഹത്തെ ഞാന്‍ പരിചയപ്പെട്ടത് സുരേഷ് ഗോപി ചേട്ടന്റെ മകളുടെ തിരുവനന്തപുരത്തെ വിവാഹ റിസപ്ഷനില്‍ വെച്ചാണ്. ഭാഗ്യയുടെ കല്യാണ ചടങ്ങുകളില്‍ വെച്ച് ഏറ്റവും മഹനീയ സാന്നിധ്യമായി എനിക്ക് തോന്നിയത് ഈ അച്ഛന്റെ സാന്നിധ്യം തന്നെയാണ്. ഒരു ചാനലുകളും ഇദ്ദേഹത്തിനെ തിരിച്ചറിഞ്ഞില്ല. ഒരു അച്ഛന് മകളുടെ കല്യാണം നടത്തുന്നത് കണ്‍നിറയെ കാണുകയായിരുന്നു ഈ അച്ഛന്. ഞാന്‍ അഡ്രസ്സ് മേടിച്ചു... ഇപ്പോള്‍ വീട്ടില് കാണാനെത്തി.
.......നിങ്ങളും ഈ മുട്ടുചിറ കോട്ടയം വഴി പോകുമ്പോള്‍ ഒന്ന് ഈ വീട്ടില് വരുക ഒന്നിനും അല്ല എന്തു നമ്മള്‍ കൊടുത്താലും പകരം ആവില്ലല്ലോ ....ഒരു സാന്ത്വനം അത് വലിയ ഒരു ആശ്വാസം ആയിരിക്കും ...ഈ അച്ഛന് ...'
ടിനിയെ പ്രശംസിച്ച് നിരവധി കമന്റുകളാണ് വന്നിട്ടുള്ളത്. തന്റെ മകളുടെ വിവാഹത്തിന് വന്ദനയുടെ കുടുംബത്തേയും ക്ഷണിച്ച സുരേഷ് ഗോപിയെ അഭിനന്ദിച്ചും കമന്റുകള്‍ വന്നു. മറക്കാതെ സുരേഷ് ഗോപി സ്വന്തം മകളുടെ കല്ല്യാണത്തിന് വന്ദനയുടെ കുടുംബത്തെ ക്ഷണിച്ചല്ലോ... ആ മനസ്... എന്തൊരു കരുതലാണ് ആ മനുഷ്യന്, ടിനിയുടെ പ്രവൃത്തിക്ക് ഒന്നും പറയാന്‍ ഇല്ല... സ്‌നേഹം മാത്രം എന്നിങ്ങനെയാണ് കമന്റുകള്‍. തന്റെ ഔദ്യോഗിക ജോലിക്കിടെ പൊലീസ് കൊണ്ടുവന്ന പ്രതിയുടെ കുത്തേറ്റാണ് വന്ദന കൊല്ലപ്പെട്ടത്.